KHAMPAT BUNGPUI CHANCHIN - TIMES OF MIZORAM

Breaking

Home Top Ad

Post Top Ad

KHAMPAT BUNGPUI CHANCHIN

BungpuiBUNG hi thing chikhat Tropical Rainforest a tam em em hnah tlakawlh ngailo (ever green) kantih ang hi ani a. Bung hrim hrim hi Mizote hian kan ngaihdan a mak angreng hle mai, Tunhma Mizo Lal thlan ah kha chuan an phun deuh zel a. alo liana abuk alian ta tih ah "Huai" nei in a ring a, an Hlau leh lawi si. Lo an vahtur a Bung alo awm chang te hian ankit hreh em em a Puithiam in inthawina aneih pui fe hnu ah lo phei chuan ankit mai ngam ngailo.

KHAMPAT tih hi engtawng nge le. Paite tawng chuan "Tlang bulthut" (tlang intan na) ani tia hrilh fiah te an awm a. Mahse khampat tih hi Shan ho tawng niin "Rangkachak Thri" tihna ani zawk a Kabaw phai phei a Lui hming reng reng Nann tih ani vek pawh khi Shan tawng tho niin Nann tih chu Lui tihna alo nileh a. 
Tuna Khampat khaw chhunga luang tlang lui lian tak (Tlawng tia zet) pawh khi Nannpalawng tih ani Palawng chu nghakhing tihna (Nghakhing Lui tihna anih chu) (Mizo History in Burma. B. Lalthangliana. Zoram encyclopedia. B Lalthangliana. P,239 . 242 enla) thil chiang em em chu Kawlphai a Mizo te ka awm hma emaw kan awm hnu emaw hian Shan ho anlo awm tawh ngei tih hi ani.

THILMAK CHU MAW!!
Thil mak tak mai chu khi Bungpui Mizo thlah tu ten an phun nia anlo sawithin Dik ngei a lang ta hi ani. Kawl phai anchhuah san dawn khian Bung anphun a " he kan bung phun hi azar in lei adeh hunah heram ah hian kankir leh ang" tia chhe chham chunga anphun nia sawi a ni a. heihi pipu te sawifo ani reng a. Khampat Bung hi engtik kuma phun nge tih chu hriat chiah nilo mahse a zar in lei a deh Kum chiah 1916 vel khan Pu. Sainguaua leh Mizo thenkhat chu Kawlphai ah khian an Pemlut veleh chiah ani. Khing lai a kawl Upa te pawh khian he Bung hi Mizo te phun anih hi an pawm thlap niin a hriat a.

1950,ah khan Burma Sorkar hnenah helai Hmun vel hi Mizo chen nan a chei thar leh turin anlo thlen tawh a. Pu. Thanghleia. K. Manliana. Chalhranga leh Hranghmingthanga te chuan Khampat ah khua din tumin hma anla a chung hunlai a helai vel thu neitu Thenzen khaw Lal hnen ah Sorkar phalna ngeia khua din antum thu anhan sawi chuan. Thenzen khaw Lal chuan, " he Bung hi inpi leh pu te phun ngei ani a inlo kir leh hun hi nghakhlel takin kanlo thlir reng a sin" alo ti hial ani. A tuk ah chuan Khampat kawl veng Lal U Aung Lin a leh a upa te chuan. 

Thanghleia te thian ho chu Bung awmna ah an hruai ta a. Bung anhan hmu ta chu an rilru a khawih em em mai an mittui a tla ta zung zung mai ani . tluang taka a anluah theih nan Pathian hnen ah in hlanna te annei ta a. Tahan lam ah chakkhai la in an kir leh ta a. 1952 March 20,a Khampat ankir leh chuan Bungpui chu a kakpui hnuai Martha lai tak a alo tliak rup mai a mak anti in, an hrilh hai em em a. An mangang chuan Yaza Yoo. (Raja tlang) khua phung ji kum 90, mi chu anva hmu ta a. Ani chuan " Engmah ngaih that lohna tur a awmlo ve he Bungpui hi in aiawh in hun reitak alo ding tawh a. A rah te hi a Tui bik em em a, a bul lupui a Sangha leh Sava ten an tlan luih luih thin a. Tun ah chuan in thutiam angin inlo let leh tawh a, alo tar in a chau em em tawh a athih alo hun veta anih hi ngaihthat loh na tur reng reng a awmlo ve" alo ti ta a.

Burma ram U Nu Sokar lai khan home minister U, Kyaw Nain (Chaw nain) chuan 1953 ah Khampat hi a tlawh a Mizo hruaitu leh kawl upa ten Bung chungchang hi anlo hrilh a. "Bung chu ka hmu duh e" ati ta a atluk tawh thu ansawi pawh chuan ka hmu duh reng reng ati tlat mai si a. An hruai ta a. Bung tlu tawh chu a thlir ta ngawih ngawih mai . mak ati em em mai a. Bungzar in lei a deh veleh a mizo te an pem chhoh leh dan te a ngaihtuah chuan mak ati zual a. helai vel ah hian Mizo te anlo awm tawh ngei tih a hriat pui thu a puang ta a (Tuna Bung lading khi chu a zung puak atang a lo chawr leh tawh ani tih hria ila).

Mizo te Khampat vela an awmlai hian Kulh nei annih thu sawi ani ve thin. Tuna khampat kulh khi ani em tih erawh a chiang lo hle mai a, khi phaizawl khi Ad 1200 vel atang khan Burma ram Lal leh Manipur Lal ten inchuh in an indo fo mai a.pu B. Lalthangliana chuan 1852 vela sak anih anring a chutiang anih chuan khi kulh khi chu Mizo te kutchhuak ani thei dawnlo ani. Keima chhut dan chuan zofa ten kawlphai kanluah khi AD 600 lam daih Burma Lalram ding hmasa Pagan hun hma daih anih karing. Shan Bamar (kawl leh shan thlahpawlh) te nen khian kan cheng ho rei em em a kantawng pawh in ang a tam hle. 

Heng puantah , Lakaih leh thildang tamtak hi kawl ho hnen atang a kan thiam ani. Keini Hmar ho hla hlui a Shan ho chungchang lolang thin pawh hi Khilai kabaw phaia kan awmlai chanchin vek ani zawk. Run ral a kan awmlai chuan Siapsuap kan feng thin tih hi karing ve theilo . Siapsuap kan inbel hun hi chu Kawlphai kan awm hma daih a niang.

A pawimawh ber Bung erawh Mizo thlah tu te phun ani tih a chiang em em thung a, Kanram ngei anih hi kan pawm tlat tur ani, mahni ram chu hreh awm mahse kan humhalh in kanluah tlat zawk tur ani. Nawmsak na um in kan pembo San hauh tur ani lo.Khi lai ram khi zo hnah thlak ten kan chenchilh tlat anga mahni tawng theuh kan humhalh tlat bawk anga Zo hnahthlak zawng zawng kan in suihkhawm anga Hnam ropui tak kan din anga kan tawng pawh Zo hnahthlak zawng zawng tawng belhkhawm alo nih chuan tawng Hausa tak alo ni dawn ani. Hnamfing zawk European ho ten insuih khawm hlawk zia an hria a. Tawng hrang nimah se Hnam khat a an insiam ang khuan Zofa zawng zawng hian engtik ah nge insuih khawm zai kanrel dawn le?

Paite kani, pawi kani,Chin mi kani, Kuki kani Hualngo kani itih chuan thudik tak I sawi ani. Zo hnah thlak kani lo itih chuan . in ngaihtuah chiang rawh Dawt I sawi palh ange. Khampat a kan awm lai hi chuan tuna Chhihils a awm zawng zawng leh Mizoram. Manipur tlangmi zawng zawng te hian tawng thuhmun vek kanla hmang ngei si a.

Čšriau ral Lentlangdung velah khian tunhma chuan Mizo chipeng Hualngo hnam an cheng thina tunah erawh nawmsakna umin an pembo zo ta a, tuna luahtu te khi Zohnathlak tho ni mahse Hualngo hnam tan chuan a pawi em em ani, engtikah mah anram khi annei let leh tawh ngai dawnlo ani, kanram chu rethei deuh mahse kan cheibawl anga kan chenchilhin kan humhalh tlat tur ani, RAM NEITU CHU A CHHUNGA CHENG TE ANNI.tih hriat tur, khawvel indona rapthlak pui pui lo thleng thin 99% hi ram inchuh vanga lo thleng thin ani.

Khampat Bung pawh hi tunlai hian Kawl ho khian tihchhiat dan ngawt an zawng nia hriat ani. Tuna a zung puak lo chawr leh ta pawh hi a tlu then leh ta a a rilru nat thlak hle mai.

Ram neih harsat zia kan hre reng tur ani.

MIZO HNAM DAMRENG RAWH SE.

No comments:

Post a Comment

Post Bottom Ad