![Pu Lalramthanga Tochhawng](https://blogger.googleusercontent.com/img/b/R29vZ2xl/AVvXsEjKaKQI-D1B0AXRGRYhGWaAhOA7xZX9hpse9wGGTcfaYoPNPuYAPMQm-A0xeafWYYMfCACnaEctHL4BChpPasbWS5H_InuWxxqKnDtaWBWV0X8Ckd1SZvvvJi6II7PGGcyvHx7YL_GCpRtQ/s320/Lalramthanga+Tochhawng.jpg)
Pu Lalramthanga Tochhawng, IA&AS, Principal Accountant General, Mizoram chu Additional Deputy Comptroller and Auditor General, HAG+ Grade, Pay Matrix-a Pay Level 16 ah a kaisang. Mizo zingah he dinhmun thleng hmasa ber a ni a, a hna ngai Principal Accountant General, Mizoram hna chelh chhunzawm tura tih a a ni.
Pu Lalramthanga Tochhawng hi Pu Lalthanzama(L) leh Pi Neihthangi (Zote Bakery) te fapa niin kum 1986 IA&AS batch a ni a, India ram hmun hrang hrang hna thawk kualin tawnhriat nei tha tak a ni a, Mizoram sawrkar hnuaiah pawh Director & Secretary, Social Welfare Department leh Director, Secretary & Commissioner, Agriculture Department hna te a chelh tawh a. Kum 2007 ah Accountant-General Office Mizorama din anih khan Accountant-General, Mizoram hmasa ber a ni a, kum 2011 ah Principal Accountant General ah kaisangin Principal Accountant General, Mizoram hmasa ber a ni. Kum 2015 a Telengana State siam thar anih khan Principal Accountant General (Audit), Telengana hmasa ber ni turin sawn a ni a, kum 2019 January thla khan Principal Accountant General, Mizoram ni turin a rawn kir leh a ni.
Pu Lalramthanga Tochhawng kaisanna order hi nimin August ni 1, 2019 khan Comptroller and Auditor General of India in a tichhuak a ni. ~TLalhmachhuana Hmachhuana
Post a Comment