Chu ngei chu ka tan van a ni e - THIS IS JUST WHAT HEAVEN MEANS TO ME - TIMES OF MIZORAM

Home Top Ad

Post Top Ad

Chu ngei chu ka tan van a ni e - THIS IS JUST WHAT HEAVEN MEANS TO ME

THIS IS JUST WHAT HEAVEN MEANS TO ME!
~ Eleazer (Tetea Hmar)

He hla 'Chu ngei chu ka tan van a ni e', hian tunlai chu rilru a luah khat hle.
lalduhsaki
Tunhma lam khan English version in Bill & Gloria Gather leh Vestal Goodman ten Spring House Music Group farewell na hmuna an sak kha ka lo ngaithla ve tawh thin a. Mipui lamin mittui tla zawih zawihin an lo zawm ve bawk a, chang hnihna "inhriatthiam lohna awm tawh lohna hmun nuam, Lungrual lohna ata zalenna hmun;", an sak lai phei chuan tumah insum zo reng an awm lo. Lei hreawmna kan chhuahsan huna vanram nawm tur zia mihring ngaihtuahna ringawt pawh hian tawngkamin kan sawifiah thiam kher lo ang.

Tunah kan hriatthiam dan tak maiin Julie Hmingthantluangi'n min lehlin sak ta a, a letlingtu Mizo tawng thiam bawk, a satu Lalduhssaki thiam bawk si ngaihthlak a nuamin ngaihtuahna a hruai thui thei khawpmai.

Ringtu te kan lo vanneih zia, he hla hian min hriatnawn tir fo thin. He khawvelah hian hreawm tinreng tuarin rum thin mah ila nakina kan chan tur ropui zia leh natna reng awm tawh lohna hmun kan thlen hunah chuan lei hreawm reng kan ngai tawh dawn si lo. (I Korinth 2:9 & 15:50)

"Tlaini lenkawl a thim zual lohna ram nuam,
Zan khawthim awm tawh ngai lohna hmun nuam:
Lungngaih chhumpui zing tawh lohna khawpui nuam,
Aw, chu ngei chu ka tan van a lo ni."

Amah Vestal Goodman ngei pawh khan hetiang hun hi a lo nghakhlel viau tawh a ni ngei ang. Cancer natna ten a tihbuai hnu ngat phei kha chuan, a rilru a hah ve thin hle a. Hla thu in "I wouldn't Take Nothin' For My Journey Now", tiin amaha harsatna awmte alo puang chhuak nghe nghe a nih kha.
(Matthaia 5:12)

Keini pawh hreawmna leh harsatna tam tak ten min tihbuai chang te, diklo taka mawhpuh kan nih chang te hian vanram kan ngaih a zual viauin ka ring thin. Chu hmunah chuan inhriatthiam lohna leh lungrual lohna a awm tawh dawn si lo va.

"Inhriatthiam lohna awm tawh lohna hmun nuam,
Lungrual lohna ata zalenna hmun;
Tu thinlai mah kan inhliam tawn lohna hmun.
Aw, chu ngei chu ka tan van a ni e."

Leiah hmangaihna der ten min hliam thin mah sela, chu hmunah chuan hmangaihna avanga kan buai a ngai tawh dawn si lova. Ngaihsak lo bik emaw, duat lo bik kan awm tawh dawn si lo. Chu hmunah chuan tupawh kan in ang tlang vek tawh dawn si a.
(I Peter 3:13)

"Nakinah Isua hmel kan hmuh ve hun chuan,
Hmangaihna dang zawng chu a dai tawh ang;
Lalber chawimawi hunah ka tel ve ang a,
Aw, chu ngei chu ka tan van a ni ang.


Lettu: Julie Hmingthantluangi
Satu: Lalduhsaki

Tlaini lenkawl a thim zual lohna ram nuam,
Zan khawthim awm tawh ngai lohna hmun nuam;
Lungngaih chhumpui zing tawh lohna khawpui nuam,
Aw, chu ngei ka tan van a lo ni.

Engang tak ang ni ang maw kan thlen ve hun chuan,
Luipui kam mawi takah lungduh te nen;
Kan intawk ang chhamdamtu chawimawi turin,
Aw, chu ngei chu ka tan van a ni ang.

In hriatthiam lohna awm tawh lohna hmun nuam,
Lungrual lohna ata zalenna hmun;
Tu thinlai mah kan inhliam tawn lohna hmun,
Aw, chu ngei chu ka tan van a ni e.

Nakinah Isua hmel kan hmuh ve hun chuan,
Hmangaihna dang zawng chu a dai tawh ang;
Lalber chawimawi hunah ka tel ve ang a,
Aw, chu ngei chu ka tan van a ni ang.


THIS IS JUST WHAT HEAVEN MEANS TO ME!

A country where no twilight shadow deepens.
Unending day where night will never be.
A city where no storm clouds cannot gather.
Oh this is just what Heaven means to me.

CHORUS
What joy twill be when we get over yonder,
and join the throng around the crystal sea.
With friends and loved ones we'll crown Christ forever.
Oh this is just what Heaven means to me.

VERSE II
A place where there is no misunderstanding,
and from all enmity and strife we're free.
No unkind words which wounds the heart are spoken.
Oh this is just what Heaven means to me.
REPEAT CHORUS

VERSE III
And when at last we see the face of Jesus,
before who's image other loves all flee.
And when they crown him Lord of all, I'll be there.
For this is just what Heaven means to me.

REPEAT CHORUS, then:
Yes this is just what Heaven means to me.

No comments:

Post a Comment

Post Bottom Ad