Mizoram Sports News - Kolasib Sports Complex Inaugurated - TIMES OF MIZORAM

Home Top Ad

Post Top Ad

Mizoram Sports News - Kolasib Sports Complex Inaugurated

Kolasib Sports Complex thar chu nimin khan UDPA department changtu deputy chief minister Tawnluia’n a hawng. Complex siam nan hian cheng nuai 2268.43 hman a ni.
Mizoram Sports News

Dy. Chief Minister chuan, Kolasib Sports Complex hawnnaah Complex sa tura project bul ṭantu UDPA minister hlui Zodintluanga Ralte-in a telpui chu lawmawm a tih thu sawiin, "UDPA-in an tih tura ruat chin 

ṭha taka kan zo thei hi a lawmawm. Sum tam tak séngin hna an thawk a, a enkawlzui lam pawh a mawhphurtu turte'n uluk taka an enkawl ka beisei," a ti.

Tawnluia chuan, Sports Policy siamin bul an ṭan dawn tih sawiin, "Hei hian nasa takin hma min sawntir dawn a, UDPA pawhin infiamna ruhrel siam kawngah ṭhalaite hmakhua ngaiin hma a la chhunzawm zel dawn a ni," a ti a; infiam-mite hnenah ngenna siamin, sorkarin hmunhma a siamsakte chu chhawr ṭangkai a, infiamna lama hlawhtlin phah ngei turin a chah.

Complex hawnna inkhawmah hian bialtu MLA leh minister of state K Lalrinliana leh Sports & Youth Services minister Robert Romawia Royte te pawhin thu an sawi a; MLA dang - Zodintluanga Ralte, C Lalmuanpuia leh Lalrinsanga Ralte te pawh an tel.

Kolasib Project Venga  Sports Complex siam nan hian sorkar laipuia Ministry of Urban Development aṭangin October 2014-ah cheng nuai 2268.43 hmuh a ni a; a siamtu contractor chu Balajee Developers, Ghaziabad, Uttar Pradesh an ni a, February 15, 2015-ah hna ṭanin, September 30, 2019-ah zawh a ni.

Kolasib Sports Complex-ah hian phûl lem phah football ground, lane pariat awmna synthetic running track, boxing room, gym, office, mi 700 ṭhut theihna gallery, mi 120 ṭhut theihna VIP gallery-te a awm. -Vanglaini

No comments:

Post a Comment

Post Bottom Ad