MARUATI HLA THAR 'I TÂN LEH KA TÂN' VAWIINAH

19.2.2020:'Mawi tawp berin' tih hla hmanga Zoram mipui min awitu Maruati chuan vawiin hian hla thar 'I tân leh ka tân' tih chu a ti chhuak dawn.

'I tân leh ka tân' hi Bibi Hmar phuah a ni a, music leh recording hi Lal K Sailo kut chhuak niin, Wardrobe hi Shop at Judy's a ni thung.

Bibi Hmar hian a nuna harsatna tam tak a tawn avangin hun rei tak chhung chu beidawng takin hun a hmanga, thla sarih dawn chu ruihhlo lamahte pawh a tlan phah hial. Hlawhchhamna leh leiba tam tak neiin hun a hman hnuah Pathian khawngaihna changin theih tawp a chhuah thar leh a, nun thar leh hahdam zawk a neih leh tak avangin he hla hi a phuah a ni.

Zanin hian Zonet lamah Music Video hi tih chhuah a ni dawn a, February 25 hian YouTube lamah thlir theih turin a dahchhuak thung ang. - Vanglaini

Post a comment

Powered by Blogger.