WHO chuan Novel Coronavirus (COVID-19) chu khawvel puma darh tawhah a puang a, ram 163 zetah a vei hmuhchhuah tawh a ni. Khawvelin a rang thei ang bera hma a lak a tul tawh avangin Mizoram Sawrkar pawhin he natna laka invenna leh a veite hmuhchhuah zung zung theihna turin hma a la a. February, 2020 atang khan Lengpui Airport leh ramri-ah zin mite chu he natna an vei leh vei loh endik thin a ni. He COVID-19 lo darh zel tur ven a nih theih nan sawrkarin mipui himna tura thu a chhuah te zawm vek turin mipuite a ngen a ni.
Mi tinten kan khuh (cough)-in kan kiu/ban thlepin kan ka kan hup tur a ni a, tui leh sahbawnin fai takin kut kan sil fo tur a ni. COVID-19 vei awmna ram/state atanga lo haw te chu an lo thlen ni atangin ni 14 tal, mahni inah emaw sawrkar hmun ruat bikah khunghran (quarantine) tur an ni. Hei hi natna neilote pawhin an zawm ngei tur a ni.
COVID-19 chungchanga hriat duh nei te leh khawsik, khuh leh thawhah nei te chuan Helpline no. 102(toll free), 0389 2323336, 0389 2318336 -ah phone tur a ni.
Covid-19 laka inven nan leh fimkhur thu hla-ah mi tupawh khawsik, hritlang, khuh leh hrawkna tel, thawkna lama harsatna neite chu school, college, bazar, Biak In leh puipunna hmuna kal lova mahni in emaw, damdawiin lamah emaw inenkawl tura ngen leh hriattir kan ni e.
COVID-19 chungchanga hriatfiah duh leh harsatna neite chuan COVID-19 Helpline no. 102 (Toll free) leh 0389-2323336 / 2318336 ah englai pawhin biakpawh theih a ni e.
COVID-19 CHUNGCHANGA MIPUI VANTLANG HNENA THURAWN
Novel Coronavirus hrileng lakah mipui kan him tlanna turin a hnuaia mi ang hian kan zawm tur thurawn Sawrkarin a tichhuak.Covid-19 laka inven nan leh fimkhur thu hla-ah mi tupawh khawsik, hritlang, khuh leh hrawkna tel, thawkna lama harsatna neite chu school, college, bazar, Biak In leh puipunna hmuna kal lova mahni in emaw, damdawiin lamah emaw inenkawl tura ngen leh hriattir kan ni e.
COVID-19 chungchanga hriatfiah duh leh harsatna neite chuan COVID-19 Helpline no. 102 (Toll free) leh 0389-2323336 / 2318336 ah englai pawhin biakpawh theih a ni e.
COVID-19 LAKA KAN HIM THEIH NAN MIPUI TIH TUR LEH TIH LOH TUR
Tun dinhmunah India ram chhunga State 15-ah COVID-19 natna vei mi 103 hmuh chhuah tawh a ni a. He natna vei tamna ram - Italy, USA, Spain leh a dangte atanga mithiamten an hmuhchhuah/chhut danin he natna darh zel tur ven nan hian keini India rama chengte tan tun kar hnih chhung (31st March 2020 thleng) lo awm tur hi a pawimawh em em a ni.
He kar hnih chhung hian tih tur leh tih loh tur pawimawh em em kan nei a. Chungte chu:-
1. Social distancing: Mipui punkhawmna (puipunna) lam chi reng reng tih loh tawp hi a him ber a. Chuvangin, Pathian biak inkhawm, khawhar lenpui leh thalai programme zawng zawng hi tih rih loh tawp emaw a tlem thei ang bera neih ni se.
2. Quarantine (In khunghran): COVID 19 lenna ram atanga lo haw/zin zawng zawng te chu ni 14 chhung khung hran tur an ni. Hei hi mimal, chhungkua, khawtlang leh kohhran in kan hriatpui a, kan ngaih pawimawh a tul hle a ni. Kan khunghran tawhte ah ngai pawimawh lova, lo chhuak vak an awm thin hi mipui zawng zawng tan a himlo a ni tih kan hriat tlan a tha.
3. Hri darh zel tur venna atan inkhunghran(quarantine) hi hmalakna pawimawh tak a ni a. A bik takin thalai-te zingah, COVID 19 hrik pai si, taksa lama lang chhuak silo, midang kaidarh thei si tam tak an awm thei a. Heng thalai damlo silo, hrik pai si te hian tar leh upa chaklo zawkte leh natna benvawn nei sateah an kai darh a hlauhawm hle a ni.
(Hei hi USA, Italy leh Spain ramah pawh an tawn mek leh an harsatna Iian ber a ni).
4. Mizoram Sawrkarin Zirna in hrang hrangte March ni 31 thleng khar thu a chhuah a, he school khar hun chhung hian naupang leh thalaite puipunna lam chi ah kal lo a, in lama awm hi hri darh zel tur ven nan a pawimawh em em a ni tih mimal, chhungkua leh kohhranho ten kan hriat a tul hle. - DIPR
Post a Comment