Contact Form

Name

Email *

Message *

Iklan

COVID19 DO DAN DAN CHIRI - Matana Pachuau

ToMZ
28 Apr 2020, Tuesday, April 28, 2020 IST
Pi Khawlkungi vahpa(?) Zothantluanga Mission vengthlang YMA duty ten an sawisak hlum kha hre pha lo emaw hre mang tawh lo kan awm mai thei a. Vawi khat chu kha thil thlen laia an YMA hruaitu nupui, kan chhungte ni lehnghal, hi thil awm dan ka zawt e ka ti a. Mak ka tih deuh chu khatianga ruihhlo ngai, khawtlang mipui thinrimin an sawisa hlum kha pawi tihna a nei miah lo a ni.

Dinthar Local Task Force Chairman R.Lalawmpuia leh Secretary Vanlalhruaia te'n an veng chhunga rawlthar/tlangval 8 inkharkhip dan bawhchhia an man chungchang insawifiahna thuchhuah an siamah khan mak deuh maiin Zohnek-a leh Zohlap-a te chet dan diklo leh uchuak kha demna emaw pawi tihna reng reng a awm lova. Kha video darh avanga anmahni an mualpho kha pawi an ti zawk hle a ni tih a lang thei a ni, "...veng chhung tihmualpho tumna leh thu dik tluantling lo hmanga video clip leh thu lo darh hi pawi kan tiin a titu hi kan dem tak zet a ni," tih kha an thuchhuah dan a ni. "Kan duty ten an tum piah lamah an lo che na deuhva, LTF chuan pawi tiin duty naah pawh tel tawh lo turin kan ti" te ti se chuan rilru pangngai tak pu-ah miin an ngai ang a, mi pahnih khat lo che na falah kan ngai thei ang. Mahse, Dinthar LTF zawng zawngin dan bawhchhia te dan bawhchhe veka lo hrem kha an pawm thlap a ni.

"Tun hnuah hetianga thu dik tluantling lo hmanga veng tihmualphona ang chi hi khawiah mah thleng tawh lo se kan ti" tiin an ziak bawk a. Inkharkhip dan bawhchhiaa vahchhuah an duhlohna aiin an LTF mualpho lohna kha an ngaipawimawh zawk tih a lantir a ni. An thuchhuah kha in chhiar zel chuan pawi tihna emaw thuphachawina reng reng kha a lang lova, Mission Venthlang khawtlang duty ten Zothantluanga an sawisak hlum chungchanga an khawtlang hruaitu pakhat nupuiin mihring nunna lak a nih pawi tihna nei miah lova a tawng nen khan a inang hle a ni.

Hetiang rilru hi Feb 12, 2018-a YMA duty ten Zanlawn tlangval pakhat an sawisak chungchangah pawh khan a lang a. Central YMA hruaitute khan pawi tihna reng reng an sawi chhuak lova, thupha chawi phei chu a lang lo reng reng a ni.
Mission Veng (?) lama duty ten nu pakhat an man leh sawisak pawh kan han hre leh ta zel a. Hei pawh hi insawithiamna thuchhuah a rawn lang leh ngeiin a rinawm. Zokick-a khawsak dan diklo kha dem a awm leh kher lovang.

He'ng kan han sawi nachhan hi eng dang a ni lova, khawtlang nuam hi neih kan duh chuan dan lalna khawtlang a nih a ngaih thu leh tribal hnam mawl ang maia khawsaka, pawl hminga ngam zawng laka inhrosak hi kan sim a tul vang a ni. Zokick-a te, Zohnek-a te, Zohlap-a te ang kan hmuh fo nachhan chu an khawsak dan dik lo kan pawma, kan sawimawi thin vang a ni a. Hei hi sorkar pawh hian a ngaihmawh a tul hle.

COVID19 nge kan do kan mi huatzawngte tih hi inzawh tham a ni ta!
Minister Pu Lalruatkima phei chuan mawhphurhna lian tak a nei, a bial chhunga LTF te khawsak dan kha a en liam chuan bialtu MLA nep tak, Minister nep takah miin an ngai ang a. Law Minister Pu TJ Lalnuntluanga pawhin hetiang thil thleng hi a vila a vil a tul a nih hi.

Kan rau ruai loh leh kan tisa em em a. Kan COVID19 do dan hi a chiri in ti ve em?
Visitor's Voice

Click to Comment

No comments:

Mizo Nula Khal

+