KHAU RUAL PUANG NASA - TAMPUI KAN HMABAK EM?

ToMZ
27 May 2020, Wednesday, May 27, 2020 IST
Thlaler khau rual tam namai lo tak (desert locusts) chuan India ram chu nasa takin April thla laihawl vel ațang khan a run mek a, Horn of Africa atangin Pakistan an lut a, heta tanga India ram pem lut an ni. Heng thlaler khau hian hnim hnah hring zawng zawng an ei duh avangin lo neitu tan a chimawmin, anchhia a ni ringawt mai.

Tun tuma khau puang hian rambung engemaw zat a tibuai der tawh a. Kenya ram pawh tibuai vein, kum 70 chhunga a nasat ber tum a ni. Somalia ramah pawh an sawrkarin Emergency a lo puang ve tawh bawk a, thlai thar tur a awm dawn lo avangin mi maktaduai 12 lai chu dinhmun derthawngah an awm mek a ni. 


desert locusts




 THLALER KHAU RUAL: 

1. Ni khatah KM 150 a thui an thlawk thei. 
2. Locust Warning Organisation (India) chuan drone hmangin Malathion 96 an kap thin a. Theihtawp chhuahin mi 50 rualin an thlithlai reng a ni. 
3. Square KM khat chhungah maktaduai 40-80 inkar an awm. 
4. Thla 3-5 chhung an dam. Thla khata upa chu Hoppers tia koh an ni, ni 60 an tlinin an tui thei tlangpui. 
5. Square KM khat chhunga awm te hian mi 35,000 ni khat ei tur thlai an ei ral hman. 
6. He khau rual hi Horn of Africa atanga lo chhuak an ni.
7. Desert Locust hi khau rual zingah khawvela hlauhawm ber zinga mi an ni.
desert locusts

Khau puangin ramchhung thlang lam leh hmar thlang lam bial a tihbuai mek laiin Department of Agriculture & Farmers’ Welfare chuan Rajasthan, Punjab, Gujarat leh Madhya Pradesh-ah te, khau puang tirem turin nasa lehzualin beihpui an thlak a, vawiin lam khan Rajasthan leh Madhya Pradesh district engemawzat chu khau, la puitling lo rualin an tibuai a ni.

Heng state-te hi Locust Circle Office 200-in District thuneitute nen tangrualin, khau puang tih rem dan tur, uluk takin an ruahman a ni. Gujarat sorkar chuan nasa zawka damdawia phuh beihpui a kalpui a, khau hi Gujarat hmar lam district-ah te hluar zualin buh bal dinglai an seh chhe nasa hle tawh a ni. Madhya Pradesh-ah pawh khau puang tirem turin ngawrh takin hmalak a ni a, district tam tak chuan khau hnawh darh nan siren an ti ri a ni.

desert locusts

Kan tunlai khawvel hi zawng, a buaithlak a ni. Corona Virus kan ti, Cyclone Amphan kan ti, tunah khau rual; buaina hlir.
Khau (desert locust) hi chu ei ral dan ngaihtua a tha mai lo maw....?

Visitor's Voice

Click to Comment

No comments:

Mizo Nula Khal

+