MIZO TAWNG UPA ZAHMAWH NIAWM TAK A LANG, NI SI LO HRIAT ATANA THA TE


1. A kap nam- Thil rim na tak.

2. A lian ber chhu khawih sak ang- Phur surh, hlim leh thatho surh.

3. A nu chhu dam- La naupang, sen, naute/note pianna la rei lo.

4. A til lak ang- Dawihzep, pa lo.

5. Chawngzawng mawn tiat- Lian lo, te tak te.

6. Chhubiangbauh- Thil rualrem lo, hmun rem lo.

7. Chhuvaivutbar- Hmeichhe naupang, la nawi deuh rual.

8. Chhu ngho chhuaka dam- Hmeichhe dam rei, ("chhu ngho chhuakin dam ang che"  antih chuan, induhsakna tawngkam mawitak a ngaih a ni)

9. Chhu rawng vuan- Mipa nupui nei lai.

10. Chhu ruang bual loh- Mipa nupui la nei lo, mipa virgin sawi na.

11. Chhutut zai- Aw puam deuh tulh a zai.

12. Hmeithai zinga zang zawn ang- Thil vang lutuk, zawn hmuh mai mai theih loh.

13. Lum hlum lik ang a- Dâng bui, da deuh bui.

14. Mahni mawng hlim- Mahni leh mahni intimualpho, mahni intimualpho.

15. Mawn ar chuk phak- Hmeichhe tawi leh hniamtê sawina.

16. Mawn daitâm len- Val to ber ang mai a tlangval chapo.

17. Mawn hmeta thu- Awm mai mai.

18. Mitdel serh khawihsak ang- Vir vut, phu deuh zuk.

19. Mo thar mawng ang- Hnawng deuh dap reng, huh deuh dap reng.

20. Pachang til tial- Mipa puitling tawh tak tak.

21. Zangbawng chil hnawm ang- Nal rulh, lei chung lang nal tak.

22. Vahluk chhu sem ang- Mahni chan tur awm lo leka sem ral.

Post a comment

Powered by Blogger.