K. Lalrinsangi @SangteiChanchin tlangpui kan dawng tawh maitheia, kim chang leh chiang deuh zawkin aw.

Nula K Lalrinsangi hian June 8 tlai dar 5:30pm khan lnstagram a DIPR chhuak ah Mizoram a Covid 19 kai an pung zel thu chu post a hmu a CRCR ah a hma a tang tawhin a rilru ah awm ru reng tawh a.

Thawktu te an indaihlo tih a hriatin a thiam na te midang tana tangkai alo nih ve theih beiseina nen a thiamna beitham hle mahse pen chhuah duhna a nei ta a, nilengin a rilru ah a cham renga, June 8 tlai dar 5:30 ah ZMC Falkawn chu Instagram lamah a va message ta ani.



Sangtei hian in volunteer theih dan kawng a va zawt ta tawp maia, ZMC lam aṭanga lo buaipuitu te chuan a Address leh Qualification leh contact no, te thawn turin an lo chhanga an beisei ang ang chu a thawn ta ani.

Lab, Tech, hi lndian Medical Association (lMA)in an mamawh lai tak leh mi 8 lak belh anlo tum lai tak alo ni a, an hotu te aṭangin Sangtei chu zan dar 6:00 velah IMA Treasurer Dr. Lalhuthangi Hmar chuan a lo be nghal a, a thwk pangai turin nge in volunteer tura a duh dan alo zawh chuan, Sangtei chuan volunteer tura a inhuam thu in alo chhang ani.

Sangtei te ho hna ber tur chu Covid 19 suspect te sample la in Home Quarantine lai leh Govt. Quarantine Centre a an sample laka Falkawna va thawn phei ani, Govt. Quarantine Centre leh Home Quarantine a awm positive leh positive lo an hriat hmaa an sample lak ani a, Frontline a awm tur an nih a vang hian kai na chance pawh a tam hle ani, mah se, a tih theih tawk leh sorkar aṭanga hlawh beisei ringawt ringa hna thawk mai loa, Mizoram tana ke pen ve alo chak ṭhin chu kawng alo in hawn ta niin Sangtei hian a ngai a, tiang a kan Mizo pui ngei mai Hripui leng mek natna in heti tak maia min chim buai tak a vangin a in volunteer ve ani.

Nl K. Lalrinsangi hi Ramhlun Sports Complex Aizawl ah a pa K. Lalnghahmawia nen an khawsa mek a, A nu leh a nuṭa neihchhun te hian vanduai thlak takin an boral san tawh ani, Sangtei hi an veng Ramhlun Sports Complex khawtlang chhuan an chhuang takzet a, Harsatna a tawh theih tamtak laka a him theih nan leh a hna ṭha tak leh tluang taka a thawh theih nan Pathian ven na leh hruaina i dil pui ang u. Input: Lalramzauva Ralte

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]

Post a comment

Powered by Blogger.