Khawvela mi hlawhtilng ber ber te zingah hian talent neih that em vang leh thiam em vanga hlawhtling ai chuan an beih tang tang vanga hlawhtling an tam zawk:
1. Mark ZuckerbergMark Zuckerberg -a hian 2004 kum khan tuna ka hman lar em em social media Face book siam chhuah tumin a bei tana. Mahse kum 2005 alo thleng chuan a nuna thil pawimawh tak mai duhthlanna siam tur a nei a. A hna thawh mek Face book chu a chawlh san dawn nge Harvard University ah a zirlai chu a chawlhsan zawk dawn tih chu a ni. A zir lai chu a chawlhsan chuan lehkha thiam lo an tih ang hi a ni dawna, a hna thawh mek Face book lah chu ahlawhtling dawn nge dawn lo a chiang bawk si lova. Mahse a tawp ah chuan eng pawh nise zirlai chu chawlhsanin a hna thawh lai face book chu a tawp thlenga chhunzawm chu a tum ta ani. Chutih mek lai chuan Giant Yahoo ho chuan a face book chu USD 100 000 0000(US Dolar tluk leh dingawn 10) in lei an lo dil bawka.
Mahse Mark-a chuan a face book chu nakinah a la hlu dawn lutk tih a rin avangin a hralh phal ta lova. Mahse a thawhpui tam zawk te chuan a harlh mai duh lo chu an thin a rima, an chhuahsan ta a. Kum khat chhungin a thawpui te zawng zawng chuan a company chu an chhuahsan ta vek a ni. Mahse Mark-a chu a beidawng lo. Nakinah chuan ala hlawhtling ngei dawn ani tih a rin tlat avangin mithar a chhawra a hna chu a bei tan leh ta a.
Tichuan tunah chuan kan hriat theuh ang in Face book chu khawvelah social media lian ber, hlawtling ber pakhat a lo ni ta ani. Tichuan Mark-a chu khawvelah mi hausa ber 5 na vela lo ni pha ta ani.
2. Jack Ma
Jack Ma –an a chanchina a sawi dan “Primary school vawi hnih ka failed a, Middle school vawi 3 ka failed leha. Hna ka han dila ve a, tuman min al duh lova vawi 30 ngawt mai min hnar a. Hmun tina ah hna ka zawnga. KFC ah pawh hna ka va dila. China-ah KFC an lo din dawn pawh khan ka dil ve a, mi 24 in kan dila, mi 23 an la a keimah chiah min hnawl a. Police hna ka dil leha, mi 5 in kan dil hova, mi 4 an la a, keimah chiah min hnawl leh a.
Chuvangin ka tan chuan hnawl nih hi chu thil pangngai tak ani. Harvard University ah pawh zir ve turin admission ka try a. Min pawm thei lova, vawi sawm ka dil nawn a vawi 10 min hnar. Khawvelah hian keimah anga hlawhtling lo ngun leh hnar ngun hi an awm ka ring lo. Vawi 30 lai mai hnawl ni tawh hi an awm ka ring lo. Heng zawng zawngah hian a pawimah ber chu beidawn loh hi ani. Keipawh ka beidawn duh miah lohna hi ka hlawhtlinna chu ani. Kan thiltihna ah kan hlawhtlin loh vanga mi dang dem vak vak ching ho te hi an hlawtling tak tak ngai lo. Mahse thil tih dik loh vang leh hlawhtlin lohna ah mahni in enfiah ching ho tan chuan beiseina a awm ani. Vawin ah a harsaviau a ni theia, naktukah pawh aharsa leh zual ani thei. Mahse tuk lehah chuan kawl alo eng mai dawn ani.”Jack Ma hi tunah hian Billionaire niin Alibaba.com neitu China ramah mi hausaber a ni mek.
3. Niklas Zennstrom
Niklas Zennstrom ah pawh hian Online tele-communication hmanga hmel in hmua in biak theih dan a ngaihtuah a. A tir ah chua investor ho zawng zawngin an tui pui lova, an hnawl veka. Mahse a beidawng mai lova. A tawpah chuan khawvela software tangkai tak pawisa sen ngai lova hmel in hmua inbiak theihna Skype chu a lo hmu chhuak ta a ni.
4. Warren Edward Buffett-
Warren Edward Buffett a pawh hi Harvard University business schools in a school naupang atana an hnawl hnu a ni a. Harvard Business school a kal tlak i ni lo. I tlin lovang an tih a kha ani a. Mahse tunah chuan kahwvela investor tha ber leh hlawhtling ber a ngaih ani. 2017 March thla khan USA ah mi hausaber a puan ania . Khawvelah hausa ber 4 na ani mek ani.
A chunga kan sawi takte khi lehkha te an thiam san em vang leh an talented em vanga hlawhtling an ni lova. An taimakna leh beidawng miah loh va an beih tang tang avanga hlawhtlig an ni. Mi talented tak leh mi thiam tak ti tha peih lo ai chuan mi talented lem lo bei tang tagn peih te hi an hlawtling duh zawk ani.
Pathian rinna tel mang lo pawhin khawvel mi ten an beidawn duh miah lohna a vanga an hlawhtling anih chuan keini Pathian nung ringtu tan phei chuan Pathian rinna nen ka hmalam hi a eng ani. Hlawhtlinna tak tak leh hnehna taktak hi eng kawngah pawh a awl lo khawp mai. Harsatna leh buaina namen lo tawn hmasak a ngai thin ani.
Tuna i thawh mek leh i vawn mek hnaah leh , mawhphurhna i chelh mek hnaah khan tehin in awm meka, enfiahin i awm mek ani tih hria ang che. Tuna i mawhphurhna i vawn mek i thawh danah khan nakinah mawhphurhna sang zawk leh hmunsang zawkah dah tlak i ni nge ni lo enfiah in i awm mek a ni.
Tuna a i vawn mek mawhphurhna ah i rinawm phawt chuan tuman i than na tur (Promotion) an dal thei lo che. In hruaituten an dal thei lo che a, i hmelma ten an dal thei bawk lo chea, Setana pawn a dal bet thei lo che. Tunah i hna ah i rinawma, beidawng mai lova theih tawpa i thawh tang tang phawt chuan Lalpan hun a tih hunah “Khaile lo chho rawh le “ a tih hun che a la thleng mai ang.
Chhiartu zawngzawng te Lalpan malsawm vek che u rawh se.
~Pastor P.L. Thlenga
Post a Comment