Priyanka in a mo chanpui naupai a enkawl thin
Bollywood lemchangtu hriat hlawh, tuipuirala riah run rem ta, Priyanka Chopra chu rin phak lovin a chhungten an fak hle. Miss world 2000 title winner Priyanka hi, mizo hmeichhe thenkhat ang lo takin, a mo chanpui chunga a chezia vangin fak a hlawh pha viau a, a phu reng bawk a ni.
Priyanka-i pasal Nick Jonas a nau, Joe Jonas leh a nupui Sophie Turner chuan hun thar duhawm tak an hmachhawn mek a. Fa duhawm tak an hring thuai dawn. Jonas te unau hian actress lar ve ve nupuia neiin, Sophie hi British mi a ni a, Priyanka erawh kan hre tlang viau.
Hollywood Life in a tarlan danin, Priyanka hian a unaunu, a mo chanpui Sophie naupai chhung hian theihtawpa enkawlin, kawng engkimah a puih thin a ni.
Phai atanga Mizorama lo haw te an tih thin dan ang bawkin, Priyanka Chopra leh a pasal Nick Jonas chu tunlai hian quarantine ve ve an ni a. Quarantine ah awm chung hian Sophie hi a ngaihven reng a, a hriselna te a ngaihpawimawh sak hle a, a be pawp reng thu hriat a ni. Priyanka chuan fa nei mai tur Sophie in a mamawh lai taka a awmbo san hi pawi a tih thu a sawichhuak a. "Nick a hriselna ngaihpawimawh hmasak a ngai a, tunah rih chuan kan chhungkua in Nick hi kan buaipui ber a ni. Nick a thrat veleh kan chhuak ang a, theihtawpin kan chhungkaw member thar tur hi kan buaipui ang" tiin a sawi.
Sophie leh Joe hian an fa neih hun tur hi an puangzar lo a, a hun a thleng trep tawh thu erawh sawi lan a ni. Tunlai Covid19 vangin nau neih hunah Joe bakin a awmpui thei dawn lova, Joe hi a hah viau a rinawm. Hospital atangah an chhuah veleh Los Angeles lamah, Joe-a chhungte bula an awm hmel.
Priyanka chuan Joe chungchang sawii, tunlai chu a buai ve hle. "Ei rawng a bawl, A nupui a enkawl a ngai bawk, a thru hman meuh lo. A hma kha chuan Sophie in engkim a tihsak thin a, tunah chuan duat leh enkawl a mamawh a, Joe hian a thiam ang tawkin a ti ve chuan ka hria. Chawi ei tur a siam sak a, a ei tir a, a kut a ke a hmeh sak a. TV remote a control tir bawk a, Sophie pawh a hlim hle. Nupa hlim tak a ni, a chhan chu fa duhawm tak an nei tawh dawn a. Nu, pa, tia koh an ni thuai dawn."
January thla khan nau an pai thu chanchin a darh a. Reporter te ngaihven a hlawh ngal a. Covid19 vangin an chanchin hriat zui a ni ta lem lo, hemi chhung hian inlamah media te tihbuai phak lovin hmangaihna par an tlan dun thin a, tu dang an ngai lo takzet. Joe in a sawi dan chuan, an duhthlanna ni lo mahse, covid19 hrileng vanga an pahnih chauha awmdun chu nuam an ti hle thin a, harsatna a awm loh thu a sawi.
A lan dan chuan Priyanka leh Sophie hi an inkawm ngaih hmel viau a, mo thenkhatte angin boruak neuh neuh a awm hmel tlat lo. UNICEF goodwill ambassador Priyanka Chopra hian inchhungkhurah pawh a hna a tlin viau nia hriat a ni. UN aiawha a hna pakhat, Naupangte chauh ni lovin raipuar te thlengin a ngaihsak hle a ni. Kum 10 chhung zet National GoodWill Ambassador to India atan thlan a ni a. Chu mi hnuah khawvel pum huapa UNICEF Goodwill Ambassador atana ruat a ni leh ta a ni.
Post a Comment