LUNGNGAIH NI LEH LAWM LAI NIAH HIAN ( KHB. 154)
( Does Jesus care?)
-Marama PC
He hla phuahtu hi F.E. Graeff (1860-1919) a ni. Lettu РRev. P.D. S̻na (1901-1974).
A phuahtu Franklin Ellsworth Graeff hi Philadelphia-a Methodist kohhran zirtirtu lar tak a ni a, kum 1890 vel kha a vanglai a ni awm e. Philadelphia Methodist ho zingah mi langsar leh ropui ber ni lo mahse naupang ho a zirtir dan kalhmang khunkhan tha tak chuan mite a hneh fo thin. Pathian fakna hla 200 aia tam a phuah a, poetry te, Pathian thu lam article te a ziak nasa hle a. Novel lar tak, 'The Minister's Twin' tih pawh a ziak bawk.
Kum 33 a nihin nupui, Mary Laurene Mauger a nei a, 1900 US census record-a a landanin fa an nei lo va, a nupui chanchin pawh hi hriat tur a tam lo khawp mai.
1880 khan a farnu upa ber Ann chuan a boralsan a, 1882 khan a farnu naupang zawk Sallie chu a boral veleh a, (a farnu zinga Emmeline chu a pian hmain a boral thung). Chutia a farnute a chan mek lai chuan a kum zawnin a nu leh pate an boral chhunzawm a. A nu Matilda Zerbe Graeff chu 3rd Sept.1886 khan a boral a, a pa, Samuel Beard Graeff chu a kum leh 25 March 1887 chuan a boral veleh bawk.
A farnu naupang ber nen chauh an awm dun ta ran mai a. A nun khawhar tak a ziaawm chho dawn ta maw tih mek laiin lungngaihna leh manganna a tawmpui, a inhnemna awmchhun a farnu naupang ber Arasma Graeff Oliver chu Feb. 14, 1901 khan a boral veleh ta a ni. Graeff chu kum 40 mi vel a nih chuan a thisen zawm, a chhungte zawng zawng an boral vek tihna a ni!!
Graeff hi a mangang ve thin a ni. Mahse, manganna karah pawh vuantlattu a nei tih hre rengin....
Aw, min ngaihsak fo tih ka hria,Ka lungngaihin a tina;Ngui chang ni leh zankhua rei hlauhawm hnuaiah,Min ngaihsak tih ka hria', tiin, Pathianin a la theihnghilh lo, a veng reng tih a rawn aupui ta a ni.
Manganna phena hnehna hlado hi kristian nunah chuan a ngaihnawm zual a, Kristian nun danglam bikzia tilangtu pawh a ni bawk.
Note: "Oh yes He Care" tihlai taka Care hi Mizo Tawng hian a tlukpui dah tur kan nei lo niin ka hre thin. A lettu hian a thiam viau a, tawng hi lehlin chat chu a har deuh niin ka hria.
Lungngaih ni leh lawm lai niah hian,
Lal Isuan min ngaihsak ngai em?
Buainaten min chim, ka kawng a sei lua,
Ka lo chau ta, phur rit tak nen.
Aw, min ngaihsak fo tih ka hria,
Ka lungngaihin a tina;
Ngui chang ni leh zankhua rei hlauhawm hnuaiah,
Min ngaihsak tih ka hria.
Ka kawng a thim, hlauhawmin min bawm,
Lal Isuan min ngaihsak ngai em?
Ni eng a lo chuai, zan thim a lo hnai,
Min vengin a lo hnai ngai em?
Thlemna dovin ka bei a lo dawng,
Lal Isuan min ngaihsak ngai em?
Lungngaiin ka chau, chhantu an awm lo,
Zan khaw tlaitluanin mittui nen.
Leia lungduh ber ka then laiin,
Lal Isuan min ngaihsak ngai em?
Tuar rual loh lungchhia, thinlai min run hi,
A hriain a ngainep ang em?
Does Jesus Care?
1.Does Jesus care when my heart is pained
Too deeply for mirth or song,
As the burdens press, and the cares distress
And the way grows weary and long?
Refrain :
Oh yes, He cares, I know He cares,
His heart is touched with my grief;
When the days are weary, the long nights dreary,
I know my Savior cares.
2. Does Jesus care when my way is dark
With a nameless dread and fear?
As the daylight fades into deep night shades,
Does He care enough to be near?
3. Does Jesus care when I’ve tried and failed
To resist some temptation strong;
When for my deep grief there is no relief,
Though my tears flow all the night long?
4. Does Jesus care when I’ve said “goodbye”
To the dearest on earth to me,
And my sad heart aches till it nearly breaks,
Is it aught to Him? Does He see?
Post a Comment