KHAWVEL PUM HUAP A RULTUHA (TRIMERESURUS ERYTHRURUS) LU PAHNIH NEI (DICEPHALIC) RECORD HMASABER MIZORAM AṬANGIN
Khawvel ram pumhuapah hian rul lu phir or lu pahnih nei (dicephalic) hi rul species 221 lai chhinchhiah an ni tawh a (Wallach, 2018). Mizoram Rul Chanchin lehkhabu kawm hnunglamah khan Lallawmsanga Tetea Zeon a thlalak Trimeresurus sp. chu kan dah ve nghe nghe kha. Kha Rultuha (Trimeresurus erythrurus) thlalak kha ama ṭhahnemngaihnain Tetea hian report a dawn veleh kum 2013 ah khan va zirchiang turin leh a thla la turin Chhipphir khua ah ava kal vang2 anih kha.
Kha Rultuha danglam tak kha rul lu 2 nei ni mailoin pianphung mak danglam tak nei, hnungzangruh kawi (scoliosis) alo ni lehzel a. Chumi avang chuan a dul hnuai phuhlip 13-26 leh 28-37 te an inzawm thlep tlat a. Hetiang hi record danglam tak a ni a. India ram pumhuapah rul lu 2 nei hi hemi article ziahlai hian 41 chauh hriat ala ni a, tun ami hi a 42-na a ni. Hemi chungchang hi International Reptiles Conservation Foundation, San Jose, California, US ah zuk report in Reptiles & Amphians issue thar ber chuan min lo pawmpuiin an record thar atan min lo tihchhuah (published) sak ta a ni. Tetea thawhrimna hi a ropui takzet a ni.
Authors: Lallawmsanga, Vl Hrima Bza Chawngthu, Valpuia Hlawndo
NOTE: Rul lu 2 nei te hi thluak 2 nei an nih avangin rilru 2 nei an ni a, an ṭuan a fûm tlangpui a..chuvangin ramhnuaiah an hmelma te lakah an himlo hle a..an damrei ve meuh ngailo.
Post a Comment