THISEN THILTIHTHEIHNA
(Ka nun tuihal a leng vel a)
THISEN THILTIHTHEIHNA

"...a kraws thisen chuan remna lo siamin, amahah chuan engkim amah nen a inremtir hi Pa lungnihzawng tak a ni si a," Kol. 1 : 19. 

"Tunah erawh chuan Krista Isuaah, nangni hmana hla taka awmte kha Krista thisen chuan tihhnaihin in lo awm ta a," Eph. 2 : 13. 

He hla Thisen thiltihtheihna  hi Mizoram chhung leh pawn Mizo hnahthlak awm tawhnaah chuan hre lo kan awm awm lo e. Mihringte nun tuihalna chu in leh lo ram baka sum leh pai nei a, nuamsa taka khawsak hi a ni. Chung thilte chu dam chhung rei lotê atan a ni. Ringtu nunah erawh chuan chung rual awhna laka lungawina leh thlamuanna, a hahdamna leh a innghah chu Tholeh Krista, Thisen thiltihtheihna chu a ni. Chu chu chatuan nun nan leh a thinlung tharna leh a thlarau dam nan a tawk a ni. 

Hla phuahtu pian leh murna : He hla phuahtu Laldinmawia, Madinmawia tia hriat lâr hi  December ni 22, 1972 khan Pangzawl khua, Lunglei District-ah a piang a, a pa chu R. Sapchama niin a nu chu C. Lalchami a ni. An unau hi panga an ni. Kum 2004 khan Darrohlui nen inneiin Laipuitlang, Aizawlah an cheng a ni. 

Hla lo pianna È›obul chu : Kum 2005 kum bul lam khan Pathiannia inkhawmnaah C. Lalrinawma'n a  thu sawi hun chu Madinmawia pate unau zinga upa ber fapa Upa Lalthlengliana Ralte a pe a, ani chuan hun petu chu È›awngÈ›ai turin a sawm ve thung a. A È›awngÈ›aina thu chham 'Thisen thiltihtheihna tih lai chuan Madinmawia thinlung a khawih nghing lawih mai a. "Lalpa, ka lawm e, Lalpa ka lawm e, hla thupui tur min pe ta, Lalpa ka lawm e," tiin a rilruin Pathian hnenah È›awngÈ›aiin lawmthu a sawi mawlh mawlh a. 

Hla thu a lo thleng  :  Biak Ina an inkhawm lai chuan a thinlungah hla thu a lo thleng nghal a. C. Lalrinawma È›awngÈ›ai zawh chuan hla thu chu lehkha themah a ziak nghal mawlh mawlh a. Hun rei lote chhungin he hle hi a ziak chhuak nghal ta mai a, inkhawm ban veleh inah haw nghalin a ziak È›ha leh mawlh mawlh a; amaherawhchu, a duhthu a la sam chiah lo va, kar hnih kar thum hnuah chauh a chhunzawm leh a ni. 

Pangzawl aÈ›angin Aizawlah : Pangzawl aÈ›anga in leh lo nei lova Aizawla lut ve mai a ni a, A han hawi vel a, in ropui tak tak mai insir khup mai a han hmu a, 'ka in leh lo, ka ram' tih tur pakhat mah a nei si lo; dam chhung khawsak lungkham buaina avangin khawvel in leh ropui tak takte chu a awt ve hle a. Chutiang din tur chuan kut tling lo leh sual pawisa lo va neih theih dan kawng pawh awm È›hin mah sela, Pathianin a phal tlat si lo. Dam chhung rei lo te kum sawmsawrih/sawmriat chhung atan dik lo taka neih ai chuan neih loh mai chu a È›ha zawk hle a ni tih te a ngaihtuah ta zel a ni. 

Thisen thiltihtheihnaa neih theih :  Kar hnih kar thum hnuah È›awngÈ›aia Bible chhiarin Pathian a rawn a; Lal Isua Kristaah chuan engkim neitu a lo ni reng mai tih a inhre ta a. 'Khawvela in leh lo ropui tak takte chu dam chhung rei lote atan pawh a lo tawk zo si lo,' tiin. Khawvel finna aÈ›anga chhûta neih theih loh leh thil theihnloh ang hial pawh chu Thisen Thiltihtheihna chuan tih theih a nihzia chu a chiang hle a. Tichuan he hla hi Pathian puihnain a lo phuah zo ta a ni. Chang 3-na tlar 2-na tawp hi hlabu È›henkhatah chuan, 'min sil fai' tiin an dah a, mahse, 'min tifai' tih hi a phuahtu phuah dan a ni e. 

Sa lartu : He hla mawi leh È›ha tak hi thiam leh nalh takin Hluteiin a sa lar a ni. 


THISEN THILTIHTHEIHNA (Hla thu)

1. Ka nun tuihal a leng vel a, 
Riaka cham hlenna a awm lo; 
Kawtthler hmun mawi, in nuam tinreng, 
Dam chhung rei lotêah pawh a tawk zo lo.

Kalvari tlang ka hahdamna, 
Tholeh Krista ka innghahna; 
Thlahthlam phal loh nun ka nei ta, 
Thisen thiltihtheihna Kraws ka tan damna. 

2. Mihring hlui sual min hmuhtirtu, 
Ka nunna tlang mawi Kalvari; 
Van Lal remruat lungawina chu, 
A tawk e, chatuan nun nan a tawk a ni. 

3. Thiam chang ka ni, Isua vangin, 
Kan mihring taksa min tifai; 
Thlarau Thianghlim min neihtir ta, 
Thinlung thar thlarau dam nan a tawk a ni.

bchhangte klsb vthr
Source : Hla Lâr 110
V.L. Luaha Renthlei

Post a Comment

Powered by Blogger.