International news & politics:
JOE BIDEN-AN "RUNNING-MATE" ATAN "MIHANG NU" SEN KAMALA HARRIS A THLANG TA

Democratic party aiawha US President chuh tur Joseph R. Biden Jr., (77) chuan a running-mate turin, California state atanga Mihang Senator hmasaber Kamala Harris (55) chu a thlang fel ta. Harris hi Jamaican atanga pem fanu niin, a nu chu Indian a ni. Amah chiah hi African-Asian-American zinga hetiang dinhmmun sang thleng awm chhun a la ni.

Donald Trump hneh turin Black, Latino-Hispanic leh Asian vote hui a ngai tih an hria a, uluk takin running-mate tur hi an thlang a ni. May 25 ah Mihang George Floyd chu Police kuta a thih vangin Black hoten kawng zawh mup mupin "Black Lives Matter" pawlte an pawng tal nasa hle a, tunah Black hmeichhiain US Vice President dinhmun chang thei tura ngaiin, an phur hle mai thei. Mahse, Black zinga kum 40 hnuai lam 38% chuan an ngaina lo, an ti. Washington Post Poll June ah khan, Black naupang lam chuan Kamala Harris chu California state Attorney General leh San Francisco Dist. Attorney a nih laia chet dan vangin an ngaina lo niin a sawi.
Kamala Harris
JOE BIDEN-AN "RUNNING-MATE" ATAN "MIHANG NU" SEN KAMALA HARRIS A THLANG TA

Color of Change President a awm dawn em tih chu, US politics ah khawvelin a thlir ta thup mai. Joe Biden lam hnai takte chuan Obama Admin laia National Security Adviser thin, mihang nu tho Susan E. Rice an duh a ni.

President hlui Obama leh Hillary Clinton te chuan, Biden an Kamala Harris chu rawn fakin, Obama chuan, "Constitution venghimtu tur, mi tha," a ti a, Hillary chuan, "Mipui chhiah hlawh duhawm tha" tiin, Biden chuan, "Hlauh neilo, mi duhawm. Hawh u khai, thawk hovin Trump-a i hneh ang u" a ti bawk.

Rep. Karen Bass of California leh Rep. Jammies Clyburn, Congressional Black Caucus te chuan Harris-i aiin Susan Rice an duh zawk a ni.

Kamala Harris-i hian kum tirah US President chuh a tum vangin Primary Election laiin Biden hi debate-ah a lo chhang dang viau tawh thin a, tunah erawh an thawk dunin, an tang dun dawn ta a ni. Harris hi a inhnuk dawn a, 2024 a tin zawn hnuah a rawn come-back a tihtbeih awm e.

Harris hian Trump-an Supreme Court Judge Brett Kavanaugh leh Attorney General atan Jeff Sessions a ruat a, Senate pawmpui a ngaiha sawihonaah zawhna khirh deuh deuh a lo zawt tawh thin a nih kha, a hming pawh a chher hle.

Oct 7 khian Salt Lake City, Utah ah Vice President Mike Pence nen debate an nei dawn a ni.

Biden (77) pui roh hi a lo tling a nih chuan, US President atana kum upa ber thlan awm chhun a ni ang.

Trump-an kum 2016 a chakna state Michigan, Pennsylvania leh Wiscosin chu inbeihna mual nasa a ni anga, heng state ah tlemin Trump a chak a nih kha. Tin, Florida leh Georgia state pawh battleground a ni chho ang.

Political Analyst thenkhat chuan, Biden-an Harris-i a thlang kher chu risk a la sang hle a ni, an ti ve bawk. US politics a ngaihnawm chho tawlh tawlh ta.
~CT Lalrinawma, Aug. 12, 2020

Post a comment

Powered by Blogger.