BIDENA PAWLTE LEMCHANNA CHUNGCHANG
DAWTTHU PUARPAWLENG A LA NI RIH E 

Dr. PC Biaksiama 25.11.2020 

BIDENA PAWLTE LEMCHANNA CHUNGCHANG
Tunlaia fake news hrang hrangin an vawrh darh chu: Trump pawhin a dinhmun a kian (concede) ta; Bidena chu chak zawka puan a ni dawn ta; Trump pawhin White House a luah lai a chhuahsan dawn a, Biden-a lalṭhutthleng luah turin a insingsa mek etc etc tia nimin leh nizan lam TV news velah leh social media hrang hranga an vawrh darh chiam, mi rilru ti chi-aitu kha, thu belhchian dawl lo - CNN leh an ṭhuihruaiten a ni lo zawnga thu an veivira, an vawrh darh mai a ni e. 

Trump hian hetiang inthlanna vote leh ballot tihchingpenna hmanga Biden-a, official-a tling ta ang ziazanga result dik lo thehdarh ani hi a pawm loh thu leh a tlâwmsan (concede) loh tur thu chiang fe fein a chhak chhuak a ni.

BIDENA PAWLTE LEMCHANNA CHUNGCHANG
Vawiin lamah thu chiang zawka rawn tarlan tum a ni e. State ṭhenkhatah vote chhiar nawn an la ti mek a. Court thubuai chinfel loh a la tam hle a. Trump-a Republican lam chakna Supreme Court-in thubuai ching fel turin hma a la mek a ni a. Officiala thu a chian hma chuan tunge President tur tih hi Media lam lo puan khalh tur a ni lo. Sorkar thuchhuak pawh a la awm hek lo. Democrat-ho hian engmah pawisak nei lovin, ram lak tumin an pawngsual a, a nawrin an nawr buan buan a, dawt muhlum leh inbumna hmanga an thu theh darh hmangin mi rilru hmin tumin "psychological warfare" an bei chiam a nih hi. 

Lehlamah Trump ṭan zawnga thuziak reng reng chu an block a nih loh pawhin an theih chin chin an delete-in fack-check tiin thudik lo 
a nih thu an tar chilh zel thin bawk a ni. 
Min lo hrethiam ula, media lama chanchinthar puangtute pawhin Bidena lam thupuan ringawta innghat lovin, America rama kan ringtu pui Republican party lam thuchhuak, nitin zan tina an puan chhuahte khu ngaihven tel ve turin kan inngen a ni. Mipuite hnenah hian thu dik tak, thu belhchian dawl pek hi kan bat a ni a. A berah chuan, Chunglam rorelna thuchhuak kan nghak mek a ni tih hi ringtute chuan i hria ang u. Kan Lalpa Pathian hian a Rorelna Lalṭhutthlengah ro a la rel reng a, chu thuchhuak chu nghakhlel takin Krista Taksa, a Kohhran leh mimalte hi kan la ṭawngṭai reng a ni. Hnung lamah Pharoa sipai rualin rawn hual tuau tuauin, hma lamah tuipui lianin dang tlat mahse, Donald Trump leh America mipuite tana Pathian chhanchhuahna ropui hi kan thlir mek a ni, khawvel ram zawng zawng, keini thlenga min  nghawng tel vek dawn avangin.

Chuvangin, mipui lam pawhin thu belhchian dawl leh dawl lo chu, a source (thuhnar) aṭanga lo thliar thiam turin kan inchah a ni. Thuchhuah apiang pawm nghal ngawt lo turin i fimkhur ang u.

Mizoramah leh Zofa khawvel ram hrang hranga awmten USA-a kan ringtupuite ṭawngṭaina zawma, Lalpa Pathian hnena kan dilna hi min la rawn chhang dawn asin. Kan zâm chhe ta a nih pawhin ngawih i chuh ang u. "Ngawi ula, Pathian ka ni tih hre rawh u," a ti a ni. Kristian kan nihna aṭang pawhin dawtthu puarpawleng laka chi-ai nghal mai lo tur leh, ṭawngṭaina thlahthlam nghal mai lo turin kan inchah a ni. Heti taka min veitirtu leh ṭawngṭai tura min turtu hian kan mithmuhah eng thil nge a tih dawn i lo thlir reng ang u.   - @ Pc Bs

Post a Comment

Powered by Blogger.