- USA-ah MARTIAL LAW...Trumpa'n Insurrection Act a Signed der tawh!!!
- Washington DC ah sipai an duty khat tlat tih report a ni?
- Executive Order pui tham: China nena inthlunzawm company/pawl reng reng dan bawhchhia "Unlawful" angin vawiin 12 1.21 hian puan a ni. He Executive Order hian Pro-China mainstream news ho *CNN, BBC, AL JAZEERA etc. leh media controltu Big Tech-ho: Fb, Twitter, Google etc. te a kângkai dawn em?
- Pope man a ni? Italy PM hlui pawh an man tawh? tih hi a dik em?
- Trumpa paihthlak tumna Impeachment a zûzî ral leh hmain eng chen nge a kal dawn? Etc. Etc.
- "Ka thu lovin lal te an insiam a; ka hriatpui lohvin lal fapate an inruat a..." (Hosea 8:4)
Dr. PC Biaksiama,
12 Jan 21, Thawhlehni.
US President Donald Trumpa hian martial law hi puang tawh rawh se, tiin ṭul ti em emin Pathian hnenah kan ṭawngṭai a; a muang sual palh ang tih hlau dêp dêpa kan khurh zawih zawih lai khan - a hun taka che ṭhin leh tlai ngai lo Pathian chuan a hriakthih Donald Trumpa chu hma a lo laktir tawh reng a lo ni a. January ni 6 a mipuiin US sorkar hmunpui Capitol an luh chhuah hnu lawk khan President chuan 1807 kuma siam INSURRECTION ACT thupekah a hming a lo signed tawh reng a lo ni a; chu Order chu martial law puanna tura hmahruaitu a ni a. Hemi behchhan hian sipai hmunpuia mite chu koh chhuah an ni tawh. Mahse Mainstream news/TV channel hrang hrangte chuan hupbeh tumin dawtthu angin an lo zirtir ve thung.
Insurrection Act of 1807 dan chuan ram chhunga helna te, tualchhunga intih buaina lo chhuak laka invenhim nan America President kutah US Sipaite leh National Guards (army, navy leh airforce) te bakah local militia-te ko chhuaka, a ṭul anga khawmual leh tuipui chunga buaina chingfel tura hma la tura thu pek theihna, US Constitution-in a pek chu a ni.
US Uisathiam Che Hmasa - Military Intelligence Services lian leh chak tak maiin mipui hriat loh lamah, secret takin hma an lo la char char tawh a. Ram venhimna atana thil pawi thei tam tak an hai chhuak ṭeuh tawh. Entirnan, nikum November thla khan US Army intelligence services te chuan president thlan laia an lo enthlak rûkna Dominion Server kha Frankfurt, Germany ami an man chhuak tih report kan pek tawh kha, a ruka lo enthlatu CIA te nen an inkâp lehnghal a nih kha. Kar hmasa lawka man chhuah pui ber mai chu, Trumpa vote hmuh sa Bidena vote anga lo chantirna khawl pui ber Italy ram atanga Pope phalna ngeia tih a ni tih leh, a titu ber kha man chhuah a ni a, a inpuanna (affidavit) chenin secret agent ten an nei vek tawh a, Youtube atanga ngaihthlak theihin an ti 'viral' vek tawh bawk a. Kha inpuanna aṭang khan Nov. 3 inthlanna vote chhiar dan kha America ram chhung pawh ni lo, foreign ram atanga Bidena titling ngei tura lo ruahman vek a ni tih a chiang ta. A chianna chhan chu, president thlan lai khan secret agent ten khawi aṭanga control nge tih an hmu chhuak thei mai lo va. Mahse January 5 Georgia Senate inthlana vote chhiarnaah khan, a hma an tih dan ngai chiahin a awm leh a, Trumpa lam an chak reng a, vote 97% an chhiar thlenin an chawl leh a, chumi hnuah mak takin Bidena senator te kha an tling leh ta thut mai a nih kha.Tichuan, chhungin Italy a mawi tawk chiahin Bidena lamṭang te kha an tlintir leh ta a ni. Lehlamah chânna a nih rualin, lehlamah kha Danbawhchhepa hmanrua kha khawi ram aṭanga lo chhuak nge, tih hmuh chhuah phah nan Military Intelligences Services te chuan an hmang ta hlauh mai le!!! He thil hmuh chhuah hian president inthlana thil dik lo an tihna bupui (Hqrs) chu hmuh chhuaha, hai mualpho a ni ta. He thil hmuh chhuah hian nghawng a nei ṭha dawn rem re.m ngei mai. America chu Communist China lakah te, America hmelma Liberal Democrat mi suaksualho lakah te, media controltu Big Tech-ho lakah te, inthlanna dik lo ber chu cancel a, martial law hnuaiah thianghlim leh dik taka inthlan ṭhat leh theihna kawng a hawng a; Donald Trumpa tan America ram ropuia siam leh theihna, Pathian zawlneite lo hrilhlawk anga Trumpuia second terma a luhna kawng thar, khar loh tur kawng a hawnsak ta a ni.(He thil thlenga mualpho ta Pope te, Italy prime minister hlui te leh anmahni president pawh phiar duhtu CIA te chanvo tur jail run thim thleng chuan zui zel ta lo ila).
Trumpa ngei pawh pa thluak ṭha leh remhria, râl rel thiam, corruption sumin a ei chhiat ve loh tur khawpa mi hausa tawntaw, billionaire ni bawk, Pathian ṭih mi, America leh khawvel puma evangelical kristian maktaduai tam takin bâng lova kan ṭawngṭaisak reng avangin a hun tê ah action a lo la reng tawh mai a, hei hian rilru hah taka awmte tan hahdam huai huaina tur a rawn thlen ta. Mutmawh hnar mawha neihtute tan thaw a veng tawh ang. Tun aṭang chuan America sipai hotu lu ber, Commander in Chief, Donald J Trumpa hi a hmelma Dem hote, media lian CNN, BBC, Al Jazeera, NY Times etc etc ten duh duhin an tinawmnah ngam lo tial tial dawn a nih hmel, ama phalna hnuaia la sawisel zui an ni tawh zawk awm e. Twitter te, facebook ten an duh duh account an lo khârsak hmak hmak ṭhin te pawh an ṭi dâk tawh dawn a ni mai thei. Man theih vek an ni tawh a, he thu i chhiar lai hian hnam phatsantu hotu lawk mi engzat nge an man khawm tawh hriat phak a ni lo.
STING OPERATION - Mizo ṭawnga ka hrilhfiah thiam danin sting operation tih chu "Aiâwt chiah" tihna a ni. Luh chu sam tak, chhuah leh chu har tak ang hi a ni e. A awlsam zawngin 'thang kam' tihna a ni mai. America hmangaihtu President Donald Trumpa chu a hmelma, eptu Liberal leftist Democrat hoten kum 4 chhungin ni khat pawh chawl hahdam hman lo khawpin, zah pawh dâwn lovin, ram chhung leh khawvel mipuite mit pawh veng zo lovin, dan bawhchhiat theih apiang bawhchhe zar zar chunga an zar buai reng avangin, heng misualho zawng zawng hi a huhova man khawm veka America ram thenfai a tum ta a. Kha President inthlana an thiltih tum dan leh bumna, vote an tihchingpen dan zawng zawng kha a tana pawl rin tlak loh FBI te, CIA etc te hriat lohvin, military intelligence services te hmangin a lo chhui chhuahtir vek tawh a, an mangang hi an chalchâng tawh a ni.
MORDEKAIA AIAH HAMANA KHAIHLUM - Chutiang chu ni mahse, America President kuta an Constitution leh Pathianin power a lo pek sánzia hi, chuti maia phiarruka tihtlak theih ziazâng a lo ni lo. Tunah hian amah tihmualphova, thubuai rip tak siamsaka, a dam chhung Jaila khung bo tumin, politika âw nei thei tawh lo tura dahṭhat hlen tumtute zawng zawng hi dinhmun hlauhawmah an ding ta ṭhup zawk zu nia!
PELOSI LAP-TOP THURUK - Kar hmasa, ni 6 a mipuiin Congress rorel lai an luh chhuahnaah khan Trumpa secret agent te chuan Senator leh House a milian deuh deuhten hmun him lam pana a biling a balanga an tlan chhuah hlân khan an 'lap top' 12 vel lai an lo laksak a. Chung zingah chuan House Speaker Nancy Pelosi hlau lutuk khan engmah sawi hman lovin, a thuruk a vawnna lap top pawh a tlansan hial a, chu chu an la tel a. He laptop chhungah hian eng ang phiar rukna thuruk lek nge awm, a thiltih ruk man chhuaha a awm chuan a tan mualphona, a ruka foreign ram (CCP, Iran etc) te nena an thuthlun rukna, inthlan laia vote ruk dan an plan velna, Dominion khawl hmanga Trumpa paihthlak an tumna etc etc leh phiarrukna thuruk a dah ṭhatna ni ngeia rin chu secret agent te kutah a awm ta vek mai si a. A thuruk an han hre chhuak tur chu, Nancy Pelosi hlau mangang hi a phî vel ruai mai a, ni 10 vel chauh Trumpan hun a nei tawh an tihte chu a tan chuan chatuan ang maia rei a ni ang. Trumpa thinrim thawk let leh tur hi a tuar zo ngang lo a ni awm e - kar khat chhung leka president hna a la chelh lai pawh chu engmah puang chhuak thei lo tura hlihsak turin IMPEACHMENT thubuai bawk chu a buatsaihtir leh ta rum rum mai.
Naktuk 13.1.21 hian House ah an vote mai thei e, martial law hi duh chuan Trumpa'n a puan hnan thei reng tawh bawk si. Kal tluang zar zar pawh ni se, thil tisual lo napui chu, president ding lai paihthla tur hian a kawng a thui ve viau asin. Tuikukho kawng short-cut tawi ber pawh zawh dawn se an zawh chhuah hman hmel loh e. House ah chuan sawi buai lovin lo paltlang thei dawn mahse, upper house -senate ah 2/3rd majority vote hmu tur chuan GOP senator 18 tal dawtthu hlir hmanga a thlêm/tham lungawi a ngai dawn. Mahse heti tak hian a mangang hi phe lâwp lâwp mahse, Keipui ṭuan a chelh lo tlat mai! Khaihlum a tum Donald Trumpa'n a lo chêt khalh hlauh mai le. An rorel khawlpui ber awmna Capitol leh a chheh velah DC area-ah sipai sang tam tak an duty khat vek tawhin channel hrang hrang aṭangin report dawn a ni.
WASHINGTON DC AH SIPAI DUTY KHAT VEK TAWH! Nimin tuk ka zing tho kha USA a ka ṭhianpain, "Pu Siam, i tho tawh em? Eng nge thil awmzia hi ka va hre thiam pha lo ve. Inbiak pawhna thil tam tak chu an khârkhip tawh nge ni? Sorkar hmunpui ber Washington DC lah chu sipai an duty khat mup tawh mai. Kan president hian Martial law a puan ka la hre si lo va, puang lovin Capitol Hill velah sipai an lut thei em ni? Hei, kan nau US sipaia ṭang pawh duty zingah a tel ve? tiin thil awmdan hre lo hamhaih takin mi rawn call a. Tukin khan mi rawn call leh a; "Hei Pu Siam, chanchinbu leh TV lamah chuan a la lang miah lo va; mahse inbiakna media zawng zawng hi an chawlhtir (black out) ṭhup mai dawn, internet pawh, media pawhin a inbiak theih dawn lo emaw ni? Kan pi Sap nu phei chuan, 'heti te chuan company hna pawh kan thawk thei dawn em ni?' tiin message min thawn ka dawng,' tiin mi rawn hrilh a ni. Tunah khuan America ram pumah sipai an duty chhuak vek tawh a, President (sipaiho zawng zawng lu ber Commander-in-Chief ni bawk) Pu Trumpa thupuan an nghak ṭhup mai ni tur a ni. Chutih chhungin CNN leh TV lamah chuan heng thil thleng hi hre lo awm takin a pangngaiin an la kal ve reng thung.
Washington DC a sipai rual khat ṭhup nai te pawh fake news te chuan Bidena president tura lak luh (inauguration) huna boruak lo vawng him tur angin an puang zaih mai. Ni dangah hetiangin inauguration hma ni 10 ah râl do tur ang maiin sipai an la pung ngai der si lo va. Afghanistan a US sipai rual awm zat zet an awm tawh si a. Thudik thup bo tuma mipui an bum tumna 'disinformation' a ni reng si a! Trumpa tana ṭhahnemngaia thawktu,USA a ṭhian ṭhenkhat chuan, Mizorama mite kha lo lungngai suh u, lo chi-ai suh u; thu lawmawm a lo thleng mek a ni. Tunah hian Washington DC ah emergency puan a ni tawh a; sipai rual koh chhuahna Insurrection Act pawh a sign tawh bawk a; foreign mite nena inthlungzawm thil reng reng man theihna Executive Order chhuah a ni tawh bawk a. Inthlanah khan Bidena tlin ngeina turin computer khawl changkang hmangin foreign ram (China, Italy, Iran adt) an lo inrawlh nasat zia man chhuah vek an ni tawh bawk a. Heng thila inhnamhnawih zual, Communist China agent hraw pui pui - Bidena, Nancy Pelosi, Obama, Hillary etc. te leh Republican zinga amah phiartu Mitch McConnell, Mitt Romney, Mike Pence, Big Tech hotu lian lian, CNN president adt. te leh ram chhung danbawhchhetute kha 2018 Foreign Interference Act dana man theih vek an ni a. Jaila tang turin, ṭingmit chungin an la kai duah duah dawn, tih hi Conservative news channel report a va tam tawh em!
THUNAWI - Thunawi hmangin i lo titawp dawn teh ang:
1. Nimin khan thu chhuah ka nei hman lo va. A chhan chu, nimin Missionary Day khan Changsilah kan pioneer missionary Pu Buanga leh Sap Upaten Mizoram lei an rawn rahna hmunah ṭhiante nen hunserh te kan zu hman vang a ni. Vawiin 12.1.21 hian mistiri hmu zo lovin, kan tui chhe pipe phumna cement work hna ka thawh nilen tak vang a ni.
2. Zanin zan lai vel hian President Trumpa'n America mipui hmaah THUPUAN pawimawh a puang dawn. Hetah hian a hmaa Order a lo sign tawh bawhzuiin MARTIAL LAW a puang tawh dawn em ni, tiin America mipuite chuan an nghak ṭhup mai. Ṭhenkhatin an nghakhlel a, ṭhenkhat erawh chuan hlauhthawnna nen an lo thlir thung. "Ringlote hlauvin an khûr ang kan lawmna niah chuan," tih hla ang maiin.
3. US House Speaker Nancy Pelosi hi man hlauin a tlan chhia ni awmin titi a thang chak hle. Hei hi chu a dik leh dik loh kan confirm lo. Kan hriat chian erawh chu: nimin khan Trumpa huatnaa khat Nancy-i chuan Article 25 hmangin Trumpa hi khin thlak a tum leh pek a. Mahse Republican Congress-man pakhatin objection a siam zeuh a, Thu tâwp e Lumâm, tih ang maiin an tawp nghal tawp. Nancy-i chu thinrim hmel deuhin hall aṭangin a chhuak ta a ni.
4. Nancy-i hovin Trumpa impeach tuma an beihna hian pawmpui a hlawh vak loh lai leh, paihthlak a tum President Trumpa hian Emergency te, Insurrection Act te puang tawhin, Martial Law pawh duh hun huna puang thei, a puang ṭêp a nih lai hian, khawvel ram hruaitute chu ṭan lam bik neih emaw, ṭawng sual palh emaw hlauvin an reh duk mai niin a lang.
5. Aizawl West lama nu pakhat chuan Hosea 8:4-in "Ka thu lovin lal te an insiam a; ka hriatpui lohvin lal fapate an inruat a," tih thu hmangin Bidena hi America president atan Lalpan a pawm lo, tih a dawng thar. Americaa prophet hmingthang tak Robin Bullock-a pawhin, Bidena hi zak takin a la hawi kun reng dawn, tiin tun hnai mai khan a hrilhlawk bawk.
6. Zan ina Donald Trumpa thupuan tur hi Pathianin finna nena a puan theih nan te, America ram buai leh inthlan buai lutuk chinfel nana sipaite kaihhruaina hnuaia inthlanna thianghlim an neih leh theih nan te, mi suaksual hoten an chan tur dik tak an chan theih nan te dilin Pathian hnenah i ṭawngṭai sak ang u.
Post a Comment