Mihring suangtuahna pawha thleng theilo hial khawpa ngaihin an che tlat mai, tawngkam thiam deuhin han sawi sela, an sawi fiah zawk ta ve ang. 

DARLUNG KHAWTLANG
Engvanga khawtlang ti nge ka nih? YMA member chauh an nilo alawm, YMA chu a tam zawk chu an ni ngei a, mahse Kohhran pavalai pawl, mi mal leh a rem rem an ni miau a. Hmun dangah hetiang hi a thleng ve anih pawn a tam viau lo ang, emaw ka hawi zau lohna te pawh ka tarlang ni hmiang.

Subject ah luh tum phawt ang. Pu Lalhmunsiama Chhangte S/o Zoramthanga (L) kum engemaw liam ta khan Khuarel chhiatna avangin an In neihchhun luah lai chu thiah a ngai a, mi  tlawmngai ten puiin a tul ang apiang an tih pui a, In neilo in an awm ta. Mite thatna avangin MNERGS In ah khawsain hun engemaw chen an khawsak hnuah an neih ang angin In din leh tumin hma an la chho ve leh a, engemaw chen an khawih hman, Pu Lalhmunsiama chu Pum nuam loin a awm a, ding chunga tuar zelin an hna tul zia hriaa damlo hman pawh a nih loh laiin,,, a nat dan kimchang chu ziak vek lo ang.

Hmunpui pan pui hial ngai khawpin a awm ta, zan ah mi tlawmngai te inpekna avangin Aizawl Trinity Hospital lo thlen pui a ni. Natna khirh tak mai in alo tlakbuak reng tih kan hre ta.

Darlung mipui te an che mak tan :- YMA Section hrang hrang, kohhran leh mi mal, mi chitinreng te an in hnatlan chhawk, Lalhmunsiama In la sak zawh loh chu nitin in thawh chhawkin an thawk ta mup mup mai le…. Ni khat, ni hnih hnatlan chu hmundangah pawh ka hre nual,,, hei ni engzat chiah nge an hnatlan tawh ka hre seng lo.

DARLUNG KHAWTLANG
Mi tam takin kanna pawisa an pe a, mi tam takin mahni hna tul kalsanin a In sak lai chu an pui suau suau nia, an va che mak tehlul emm!!! Engtin nge ka sawi ang, amah Darlung ah a awmlo a, chuti chung pawn a chhungte thlamuan turin leh an In sak lai mekah rilru te senpui tu an awm reng tho nia. Electric wiring thlengin mi thiam ten an hna tul kalsanin an tawh sak vut vut nia. kar tam pawh ala liam lo, an In sak tan ek ek chauha an kalsan kha tunah chuan luah theih a ni ta, mi tlawmngai ten motor thawhin hnatlang bawkin bungrua an thiar ta vut vut mai le, an chet mak dan em em hi, in fakna tawngkam ringawt chuan a fak zo lo a ni ber mai.

Hnatlanga sak ni si in Vai Mistiri in uluk taka an sak ai mahin a mawi mah awm e… an va che mak ve le, khaw hrana pem tur ni ila ka pem chakna ber khua a ni tlat. Kum tak tak liam ta khan thihna avangin Darlungah ka kal a, Mihring zawng zawng an fuan khawm vek ta em ni.. tih tur khawpin tawrhpui tu, thlamuan tu an tam nia. 

Tunah pawh an lungrual zia leh an in hmangaih tawn zia alang leh ta… han sawi zel dan pawh ka thiam lo, khaw taima, khaw inlungrual, in hmangaih leh khaw tlawmngai thlang dawn ta ila, ngaituah buai miah loa ka thlan hmasak ber tur chu DARLUNG khua ngei hi ani.
DARLUNG KHAWTLANG
Note:- Mimal fak phu tak tak an tam mai, mimal hming erawh ka ti lang ta lo. Chuan chhawngkaw lam emaw mi thenkhat pawi ka sawi chuan in mi ngaihdamna ka dil nghal bawk e. Darlung khawtlang te chet dan hi ka thai lang chak em a ni.

Pic:- Pu Lalhmunsiama In leh hnatlang thenkhat te.

                   DARLUNG KHAWTLANG VUL ZEL ANG CHE U

Post a comment

Powered by Blogger.