Chanchin thar ber ni tawh lo mahse an la indo thûm cher cher avang leh tawp zai an la rêl si loh avangin, Israel leh Palestinian te indona rura tak mai hi a tlangpui i lo thlir zuai ang aw.
Ni 4 a ni ta. Abrahaman a fapa Isaaka a hlanna hmun, Jerusalema Solomona Temple sakna tlang, Judate leh Muslim ten hmun thianghlim an tih ve ve a sakhaw thila puipunna lian tham an siam aá¹anga intihbuaina lo chhuak chuan sawhkhawk a nei lian hle. Gaza aá¹angin Palestinian sipai Hamas ho chuan bomb mitnei rocket sang khat vel zeta tamin Israel khawpui Tel Aviv leh hmun tam tak an bomb ta chur chur mai a. Israel sipaiten an lo chhang let nghal vat a. Heng bomb zaa 90 vel chu missile kahthlakna, Israel anti-missile khawl á¹ha elkhen, Iron Dome hmangin boruakah an lo kap thla vek a, kah thlak sen loh tlem Israel ram chungah a tla puak a, thil tihchhiat a nei ve nial.
Chutah le, lo inralring sa Israel sipaite chuan an bomb mitnei, missile hlauhawm pui puite chu an jet fighter chhuanvawr F-16 leh a dangte hmangin Palestinian khawpui Gaza chungah chuan mei leh kât an surtir ta chur chur mai a. Hamas misualho hmunpuite chu an phîn darh hneh hle. An target te kha á¹helh ve hek lo, Hamas hovin tawmkûk atana an hman Inchhawng sang pui pui te chu a chim sawp rup rup mai a. Hemi report lai hian mi 87 laiin nunna an chan tawh a, Israel lam mi 7 an thi ve a, a dang zawng chu Palestinian lam vek an ni.
Tun hma aá¹angin indo bulá¹antute chu Israelte hmelma lam hlir an ni a, mahse ralthuam lamah an inthlau lutuk a. Palestinian lamin Rocket sang chuang zet an kah chhuahte hian an target kap fuh an awm mang lo; hmar lam Lebanon aá¹angin Israel lam hawi zawngin rocket 3 an rawn tirh phei ve te phei chuan Israel ram chhung hi a buk á¹helhin an á¹helh a, Mediterranean tuipui chungah an tla per vel ta mai mai a, chakai vel te chuan an râlkhelh phah viau mahna.
Israelte Sipaite erawh chuan Thawhá¹anni aá¹ang khan Hamas firfiakho target 700 zet chu fuh zet zetin an chhêu darh vek thung. Missile pakhat pawh Vana Pa hall chhu darh vek thei khawpa chak leh thawk na a ni a, target zasarih zet an han khuai nuai mai a nih chuan, hlawk lo an ti ve khawp ang, Israel mi leh sa nunna 7 thleng nan chuan a in la hlei deuh. Mahse, nasa zawka vuak tuar turin Palestinianho khuan Pharoa thinlung anga sak kha an pu á¹hap mai zu nia. Tlawm an tum awzawng lo mai. Ni dang ang bawka Palestinian-ho thlavang hauha UNO in á¹ah aw á¹uauva cease-fire an dilpui leh hma ngei hian Israel chuan a hmelmate á¹anhmun lo phîn darh vek hman hi a tum á¹hin reng a. Indo loh laia hmelmate á¹anhmun an lo chhinchhiah lawkte chu indo a chhuah veleh ni hnih thum chhungin Israel sipaite hian hmet mit tur hian an ri á¹hiai á¹hiai zel.
America president ropui pu Bidena (bai-dena) erawh chuan a á¹an zawk Palestinianho chan chhe lutuk chu tihngaihna hre lovin, á¹awng ngaihna hre lovin a khâ a lo chih vel a. Chu chen engmah sawi lova a ngawi reng chuan America mipuiten an dem fe hman a. Pu Trumpuia thin pawhin a tuar ta lo va, "Khai khai ku Bai, Israel thlavang i hauh dawn nang e, chengkawl ang maia i ngawih reng le," tia a han kap zauh chu, public opinion lamin an lo pui dual mai si a. Hreh chung chungin, "Ni e, Israel hian beitute laka self defence a a chet ve chu a tih tur a nia lawm," tiin a rûn dalah a rawn support ve hram. Israelin lam hian bomb hmanga hmelma á¹anhmun a tihchhiat chu thu khat, Hamas hotu lulawk deuh deuh panga lai an tawmkuk hmun hrang hrang aá¹anga a rêk chhuak thei hian Israel secret agent Mossad ho thil hriat ruk ril theihzia a tarlang. Tunah phei chuan Mossad hi khawvela intelligence á¹ha leh hlauhawm ber an ni ta, America CIA hi khawvelin an hlauh ber ni á¹hin mahse corruption leh Democrat politics in a ei chhiat avangin Trumpa president laia an hnathawh langsar leh ropui ber chu an president Donald Trumpa phiarruk a, 2020 inthlan tihkhawloha tenawm taka Bidena tihtlin chiah kha a ni ringawt. A result khawvelin a lo têl chu: America ram ropui chu China Communist Party hnuaiah a kûn ta a, China in hlauh tur hre tawh hek lo, Burma sipai hotu lu, thamna hmanga a control tlat mi suaksualho fuihpawrhin, mipui thlan lal civil sorkar a paih thlaktir a, a ram pum chu thisenin a luantir ta a ni. Trumpa hun laia hlau leh khûra awm hle hle, Bidenan Palestinianho a rawn support te chu an intihuai ve leh ta a; an tan chhiatna zakhua a thleng dawn tih hre phal lovin, an ngam loh Israel chu missile bomb hmangin an bei ve leh ta vak mai a, "Zûnte nu ka siam ang che, lungngaihna hlir," tih chu a Palestinian-ho hian a takin an chang ta mai a nih hi!
~Dr. PC Biaksiama
[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Most of the time I don’t make comments on websites, but I'd like to say that this article really forced me to do so. Really nice post!
ReplyDeletesupport Ukraine