HRAWK NA ENKAWL DAN (DAMDAWI)

HRAWK NA: Sore Throat

-Dr. C. Lalrampana

Covid,-19 hripui thawhhnihnain India ram pum min charnchilh mek; min kiansan lah a hreh viau lehnghal. A mize lanchhuah dan lah chihrang hrangin  a lantir thin. A mize nghat tak zingah hrawk nã/hrawk thip a keng tel ziah lehnghal. Hetianga nangmah a rawn tibuai dawn chea a rawn chet chuan in lama ralthuam i kawl sã doletna tha tak hmang hian i chuap, lung leh i kal (kidney) lama kua a hreuh hmain i AK 47 Rilfle hmangin lo tlir thin la, a bibo hma chuan kãp zui char char zel ang che. Chung rãlthuamte chu:

ÃIENG DIP & CHI: Tuilum no 1-ah Ãieng dip 1/4 fiaante leh chi sawh khat lek chawhpawlhin nitin v3 tal hrawk kharak (gargle) thin tur.  

BAWNGHNUTE & ÃIENG: Bawnghnute no 1-ah Ãieng dip ½tsp pawlh la in thin tur.

KHAWIZU & THAKTHING: Khawizu 2tsp+1tsp thakthing dip +hmarcha dip sawh khat tuilum no 1-a chawhpawlh in thin tur.

PURUNSEN & KHAWIZU: Purunsen tui sawr leh khawizu inzata chawhpawlh in thin tur.

TULSI & TUILUM: Tuilum no 1-ah tulsi far 1-3 fara hrawkah kharak (gargle) thin tur.

7. SAWHTHING & KHAWIZU: Tuilum no 1-ah   sawhthing kut  zungpuitia rawtsawm & khawizu 1tsp chawhpawlh in thin tur.

8. APPLE UM & KHAWIZU: Apple um (apple cider vinegar) 2tsp+2tsp khawizu tuilum no 1-ah chawhpawlha in rhin tur.

9. THINGPUI & KHAWIZU: Thingpuisen hang/phan no 1-ah khawizu 1tsp pawlha in thin tur.

10. NIMBU & TUILUM: Tuilum no 1-ah nimbu tui fir 10-20ml pawlhin in thin a, hrawk kharak thin tur.

Sawi vek sên a ni lo; i hrawk a thip emaw, a nã a nih chuan hritlang, khuh leh hri (viral infection), tonsil nã leh  thil dang avangte a nih theih thin avangin khing i rãlthuam neih sa chihrang hmangte hmang khian hneh ngei tumin lo dolet nghal vat thin la, pawi lian a khawih hmain a  tlãwm ang a, a tlãnchhe vat mai ang.