Tweet Share Share Share Share Share

July 13, 2017
NEW DELHI, July 12: Former FIFA World Player of the Year Ronaldinho will visit India on Friday and explore his future with Premier Futsal, a variation of football played indoors. The World Cup-winning Brazilian football great, a Ballon d’Or winner, will be in Mumbai where he will make an announcement regarding Premier Futsal. Ronaldinho was forced to quit Premier Futsal last year after just two matches. He returned to his homeland as ‘Brand Ambassador’ for the Paralympic Games in Rio de Janeiro after scoring five goals on his debut for the Goa franchise against Paul Scholes’s Bangalore 5’s. On his upcoming visit to India, Ronaldinho said, “My association with Premier Futsal has been a fruitful one. It was a great experience to be in India and play in front of local crowds last year and I look forward to another warm welcome from this sports loving country.” Ronaldinho joined the likes of Premier Futsal president and Portuguese legend Luis Figo, Paul Scholes, Ryan Giggs, Hernan Crespo and Cafu to make the opening season of Premier Futsal a star-studded one. Unfortunately, the 37-yearold former Barcelona star had to withdraw from the event when he was getting in his groove. Ronaldinho, a member of the 2002 World Cupwinning squad was in Pakistan recently. – PTI
Read more »
Tweet Share Share Share Share Share

July 11, 2017
July 11, 2017 (MSR): Khawvelah ni tin Coffee no tluklehdingawn 2.25 zet in ral ziah ang a ni a, chung coffee ni tin in thinte chuan "Stroke, Lung na, Thin cancer" veina lakah 12% in risk an nei tlem bik tih a ni. He zir chianna hi International Agency for Research on Cancer te niin, an hotu pakhat Co-auther of Studies Mark Gunter chuan, "Coffee in thinte chu an hriselna a tha zawk a ni" a ti. He zir chianna hi Mingo 1850,000 leh Non-White zingah zir chiangin, kum 1990's atanga kum 16 chhung vela lo in tawhte an ni tlangpui. Kum 1992-2000 inkarah Europe ram 10 atangin mi 450,000 te nun an zir chiang bawk. He thu hi Annals of Internal Medicine ah ziak niin, miin cancer risk a neih tlemna chhan zawng zawng (overall lower risk) erawh chu coffee in vang vek chu a ni bik lo thei, an ti bawk.

Thin cancer (heppatocellular cancer) awm chhan te chu University of Edinbugh leh University of Southamton te pawhin mi maktaduai 2.25 an zirchianna atangin Coffee in ngailote aiin, ni tin no khat in thinte zinga 20% chuan thin cancer veina chance an nei tlem zawk tih an lo hmuchhuak tawh bawk. He thu hi BMJ Open journal-ah an ziak. He zirchianna hotu pakhat Dr Oliver Kennedy of University of Southampton chuan, raipuar te tan erawh coffee in tam erawh a fak lova, in loh a pawilo zawk niin a sawi. Prof. Peter Hayes of University of Edinbugh chuan, cirrhoses leh thin cancer chu Coffee in chuan a titlem thei, a ti. Office of National Statistic 2015, England chuan, thin cancer mi 4673 hmuh chhuah a ni, a ti~C.T.Lalrinawma~
Read more »
Tweet Share Share Share Share Share

July 11, 2017

Pu Robert Romawia Royte-in Cheng Nuaih 126 chhiah awltir a nih chungchang Article ka ziah vanga ‘Inchapchar/Inlepse’ -a min cho thu kan hre tawh hlawm a. Nimin kha chutiang tih nana ni ruat a ni a. Pu Robert Romawia Royte a zinbo dawn avanga ţhulh a nih thu kan dawngzui ta kha a ni a.
He thil hi ka ngai pawimawh hle a. Chhiah awltir dan dik lo ni-a ka hriat bakah dan ngaih pawimawhna nei lova, dan chunga leng ang hrima kan Sawrkar a che ţhin hi ngaihmawhawm ka tiin, hetiang tih hi demawm ka tih thu ka sawi fo tawh ţhin a ni. Ka article sub-heading-a ka ziak, “Power corrupts and absolute power corrupts absolutely” ang khan kan Sawrkar hi a kal niin ka hre tak meuh a. Chutih kawnga an thurualpui langsar ber chu Pu Robert Romawia Royte hi ni tain ka hria a. Hetiang zela an kal chuan kan ram leh hnam tan a hlauhawmin ka hria a, chuvanga hetiang thu hi rawn auchhuahpui ka ni.
Hun sawn a nih chhan hi rinhlelh theih a ni a, chuti a nih chuan hun tak hi a lo thleng lo mai ang tih rin theih a nih lehzel avangin he ‘Open Letter” hi ka rawn tichhuak ta a ni.
OPEN LETTER TO PU ROBERT ROMAWIA ROYTE
Pu Robert Romawia Royte, 
“Vawin Pu Manzuala Article ziah ka lo chhiar ve a, Hmaichhan a han in chapchar ka va chak teh lul em, He tiang mi nep hi kan Lepse angai,” ti-a min chona Social Media-a lo langte chhangin ZONET Programme Executive Pu Lalnunţawma Fanai chuan in duh anga kan ‘inchapchar/inlepse’ nan July 5, an ruat thu June 29, Ningani khan min han hrilh a. Mahse, July 3, Thawhtanni zîng khan i zinbo dawn vanga he hun hi hman theih a nih rih dawn loh thu min han hrilh leh a.

Ka thuziak i han enghelh viau hi ka tan chuan thu thar a ni lo va. Kan rama corruption a nasatzia, chuvanga ram hmasawnna pawh kal ţha thei lo, chu baka kan hnam nun ber pawh tlu chhe ta em em mai hi ka vei a.Insiamţhat dan kawng zawngin dik lo leh ţha lo ni-a ka hriatte chu India Danpuiina zalenna zau tak min pek hmang ţangkaiin huai takin ka lo auchhuahpui ţhin a. Hemi chungchanga mawhphurhna nei lian berte ni-a ka hriat, Chief Minister leh Sr. Executive Secretary, Mizoram Presbyterian Church te bakah mi dang sawmhnih dawnlai Open Letter ka thawn tawh a ni.
Dan hma-ah chuan ‘An act of omission is equally serious as an act of commission,’ tih leh, Amartya Sen-an, “I choose to be controversial. To be otherwise would be a waste of time,” a tih thute hi thu dika pawmtu ka ni.
Kan rama corruption a nasata hmasawnna hna a kal ţhat theih loh chhan ber chu pawisa a hmanna tura hmang lova, a hman lohna tura kan hman fo ţhin vang ni-a ka hriat thu ûar takin ka sawi ţhin a ni.
Pawisa sawi chhuak tam thei i nih hi i inchhuanna ber leh i inzawrhna ber a ni a. Lok Sabha Election-a kan in-candidate-ho ţum pawh khan chu chu i auhla kha a ni a. Pawisa hmanna tura hman lohna ramah chuan a tam apiang a hlauhawm ting mai tih thu ka sawi te kha chhan tlakah i ngai lo tih te kha i la hriatreng ka ring a. I kalphung hi kan ram Corruption lama lut thûk tawh tak thûk lehzuala kalpuina tur niin ka hria a, kan ram leh hnam tana hlauhawm ni-a ka hriat tak meuh avanga rawn auchhuak ka ni. Kan hruaitu lû ber berte nena inthurual taka tiho ni-a in lanna hian ngaih a tiţha lo lehzual a ni.
India khua leh tui i nih anga i chhiah pek ngei ngei tur Cheng Nuaih 126 âwl i dîl anga Sawrkarin a âwltîr tâk che chungchang chu ka ‘article’-a ka ziak bak kha sawibelh vak tur ka nei lo va. Engti kawng zawng maha sawi mam chi a nih lohzia leh ‘morally’-a thil dik lo leh inhmeh lo a nih thu erawh ka rawn sawi nawn leh e.
I thu ziaha, "Hetiang mi nep hi lepse a ngai" tia min rawn chona thu hi huat thamah ka ngai lo. India Danpui hmanga i mimal zalenna i rawn hmang ni ve maiin ka ngai a ni. Kei hi miten min fak emaw, min sawisel emaw lam ngaihtuah lova dik nia ka hriat tawh chu sawi pawp pawp mi ka ni a. Thudik ka sawi hian tute emaw rilru a lo hliam a, kei a sawitu min haw ta a nih pawhin thudik ka sawi hi chu haw lo hram sela ka duh ţhin. Nang ngei pawhin chhiah âwl i tum hma kha chuan, "Hetiang mi nep hi," min tih ka la hre ngai lo va, chhiah âwl that lohzia ka sawi rualin mi nêpah min chhuah ta niin a lang.
“Ka lepse ang” tia min chona hi ngaihtuah chiang la chuan, “Uiin amah chhantu a seh” tih angin, kan ram mipui leh nangmah chhantu hi min seh i duh tih i hriat ka ring. A chhan chu ka sawi tawh ang khan mi hausate chhiah pek hi mi retheite tan malsawmna a ni a. Nang mi hausain chhiah âwl i duh tlat hi i tan leh ram mipuite tan a him lo a ni. Pathian malsawmna avanga hausaah i inpawm phei chuan ram dan hi i zawm ngei tur a ni ang. Chubakah chuan mi hausa dangte hian nangmah entawnin chhiah awl tum ve ta sela a ţha i ti ang em? Kei hi lepsena tur min hriat chuan ka hnial hauh lo va, amaherawhchu, nangmah kha inlepse zawk la, i tan leh ram mipuite tana thil ţha tur ka sawi hi i lepse chhuak ang a, chutah chuan i damna leh hnam damna i hmuh chhuah ngei ka beisei e.
Ka mihring nunah hian fel tâwk lohna tam tak ka nei tih ka hria a. Amaherawhchu, hlemhlêtna leh hleihneihna sual lakah hi chuan ka fihlim hlêin ka hria a. Dawtsawi ngai lo leh ngaihdan nghet ka neih chu sawhsawn mai mai ngai lo mi ka ni a. Thil ţha leh dik ni-a ka hriatte chu harsa deuh mahse, tih hram ka tum ţhin a; thil dik lo leh ţha lo ni-a ka hriat chu hlâwkna tur pawh ni se ka hnar hram ţhin. Tun kum 30 chhung vel hi chuan zûk leh hmuam leh ruih theih thil reng reng ka ti ngai lo va. Tun hma kum 30 vel zu ka in ţhin lai pawh khan ka rui buai ve ngai lo. Mahni inthunun thei mi ka ni a, ei leh in thilah ka tana ţha lo chu ei lova in lo mai, ka tana ţha chu tui lo tak pawh eia inlui thei mai ka ni a. Hetiang “Will Power” chak min petu Pathian chungah ka lawm em em a ni tih thute hi awmze neia min lepse theih nana lo hre turin ka duh che a ni.
Eng pawh ni se, inchapchar/inlepsena hun hi kan nei ngei turah ngai ila. Kei hi upa lam tawh, Sawrkar hna kum 40 dawnlai thawk tawh leh chanchin dang dang pawh nei ve nual ka ni a. Ka fel tâwk lohna ni-a ka hriatte chu keima chanchin ka ziakna, ‘Nghet Taka Ding Zelin’ bu-ah khan ka ziak tawh a. Naupan lai hun aţanga inlepse tur kan nih phei chuan sawi tur a tam viau mai thei.
Nang pawh i naupan ang hu ngaihtuah chuan chanchin ngah ber pawl i ni a. Kan inlepsetawn nan hian ţum khat hunin min daih a rinawm loh va. Vawi hnih vawi thum lai hun hman a ngai mai thei a ni. Chutiang hun thâwl zâwk te awm thei tura ngaiin tun ţumah hi chuan i sumdawnna kawnga i tihdan kan lo hriat ve chin leh thil dangte pawh sawi ţul rih lohah ka ngai a ni.
I rin tlâk, 
06. 07. 2017
M. Lalmanzuala
Chaltlang, Aizawl.
Read more »
Tweet Share Share Share Share Share

July 11, 2017
Ailawng MHIP in nula tlawmngai an chawimawi.
(DRDM)
Thla hnih vel kal ta khan "Nl. Lalrinpuii, D/o Biakthansanga, Ailawng" chu Reiek Sumo- ah chuangin Aizawl a kal a, lehlânga kal tum a ni a, chuang an tam lem loh avangin tluang takin an kal a.
Tlawng chhak Forest check gate bulah chuan an chuanna motor chu mi țhenkhatin an lo phar ding a, Electric current man tlangval pakhat, Dulte khua ami Tv. Pc. Lalhriltluanga, thichhawnga let reng tawh chu damdawiin thleng phur turin an lo ngen a. Sumo-ah chuan an hlang ta a, He tlangval vanduai hi Aizawla lehkha zir, an chawlh remchan nia inhlawhfaa hnathawka liam a ni a, a hnathawhpui tlangval pakhat chuan a zui chho bawk a.
Damdawiin hnai ber Aizawl Hospital panpui a ni a. Casualty-ah zawn lutin, passenger dang te chuan anmahni hna țul avangin an tlansan/kalsan lo thei ta lova. Nl. Lalrinpuii pawh hian kalsan mai a han tum ûk nain, thichhawnga let reng, buaipuitu leh bawihsawmtu nei lo han kalsan mai chu thei lovin a țhiante hnenah chuan, "Kal ula, in hna țul te buaipui ula, kei zawng damlo hi kalsan harsa ka ti em mai, theih ang angin ka lo buaipui ang e", a ti a. Damdawite leiin, a țul ang ang a buaipui zui ta a ni.
Chutiang chuan reilote an bawihsawm hman chauh tihah Doctor te chuan Tv. Lalhriltluanga (17) chu a thih thu an puang ta a ni.
Lalhriltluanga țhianpa, amah zui ve tu khan Tluanga phone hi a lo ak hlauh a, mse, a hamhaih vang te pawh a ni ang, chet lak ngaihna hre lovin a uipui tuilian thlir ngawt ngawt mai a, a rilru a khawih êm vang leh thihnain a barakhaih êm vang te pawh a ni ang. A êk cheh țhutpui tlawk tlawk a ni ber mai.
Ailawng nula Rinpuii chuan phone chu lain a'n check kual zung zung a, pattern a lo dah avangin phone siamnaah te kalin phelhtir a tum a, an phelh theih loh avangin Nl. Rinpuii chuan sim card phawrhin ama phone ah a vuah a, Tluanga nu ramkal mêk chu thiam taka hrilhin, "Ka pi, In fapa a accident palh hlauh mai a, lo ațang khan haw vang vang la, i inbualfai hnuah min rawn phone dawn nia. Aizawl lokal turin rilru pu nghal bawk ula, hei kan awmpui mêk a, rilru hahdam takin awm phawt ang che u, in lo thlen hma chu ka lo awmpui reng ang," tiin a hrilh ta a ni. Hetih lai hian ruang dai, "Ka ui, ka ar" titu neilo chu Nl. Lalrinpuii hian a țhutpui ran a.
Damdawiin ah damlo dang an rawn hruai avangin Casualty khuma muttir reng a rem lova, hmelhriat ngailoh chhingkhual val fam chang tawh hnu chu mitthi dahna ina dah a nih hnu pawhin kan nula chhuanvawr hian a kalsan thei lo. Puana khuhin a hmelhriat leh laina hnai ang maiin a țhutpui tlat a ni.
Nilengin a awmpui a, Dulte ațanga Tluanga chhungte lo thlen thleng țhakin a lo awmpui tlat a,
A tlawmngaihna avang liau liau in he tlangval hian dawmhlumtu a tawng hi a ropui a, hmelhriat ngailoh laka zonun ze mawi tak lantira, tha leh zung, sum leh pai senga, lainatna a lantir hi a ropui takzet a ni.
Chuvangin Ailawng MHIP Branch chuan chawimawi phu a ti a. MHIP Day zan (6.7.2017) zan dar 7:00 hian Khuangchera Hall, Ailawngah "Chawimawina thuchei (Citation) leh Pangparțhi" an hlan ta a ni.
Mi tam takin kan tih duh loh leh tih peih hauh loh tur thil nula hnahkhat ngatin amaha a sutlang hi a fakawm takzet.
Nl. Lalrinpuii, kan chhuang a che. Dam rei ang che. Duhsakna kan hlan a che.
UPDATE on 8.7.2017 @ 8:00 am: Forest Check gate ațanga zui chho ve tu a țhianpa a țhu ngawi reng hi engtizia nge tiin mi tam takin rilruin zawhna kan zawt a, kan țawngkam hman te pawh khi pai a lo nawm loh palh takin tiin amah Nl. Rinpuii ngei hi hmaichhanah ka be nawn leh a.
"A țhianpa hi electric current hian a man ve tho a, a kutphah tawn tawnin a kang var duai a, a ke lam a kang tel bawk a, che vel thei a ni lo hrim hrim a, chutianga hliam tuar ve tho a nih avang chuan treatment laktir ve ngei ka duh si a, mitthi ruang chu kalsanin doctor ten an enkawl ngei theih nan ka hruai ta a. Hnathawhna hmun ațanga kal mai an nih avangin engmah neih an nei bik si lova. Hausak deuh ka chak ber ni a ni awm e, ka neih chhun ka hmang fai deuh vek tawh si a." tiin a sawi.
A mawilo zawnga lantir duh reng vang ni lovin, a tirah kan lo zawtfiah chiangkuang lo atin a ni e. Mi chapo lo tak, mahni thiltih țhat sawi puat puat duh lo mi a nih avangin, mitthi țhianpa hliam tuar ve tho a puih dan hi a lo sawi țha duh lo mai zawk a ni e.
Hetiang hi a lo nih lehzel avangin, harsatna hmaa hnungtawlh lova huaisen taka tawn tlangtu Nl. Lalrinpuii hi Ailawng Branch YMA Executive committee Member ni lai hi, Ni 19 July, 2017 an branch din champha vawi 71na lawmnaah hian Tawlhlohpuan bahtir an tum ta a ni.
He thil hi âwm kan tih tlan țheuh pawh ka ring e.
Pic: Kawr dum ha hi amah chu a ni e.
Read more »
Tweet Share Share Share Share Share

July 11, 2017

11th July, 2017 (MSR) : Ministry of Home Affairs-a Adviser North East (Bru) Pu M. K. Singla chuan Tripura Relief Camp a, Bru awm te Mizoram a an kir leh theih nana Mizoram sorkar Home Department hmalakna tha a tih thu a sawi.
Nimin khan Ministry of Home Affairs-a Adviser North East (Bru) Pu M. K. Singla chuan Chief Minister Pu Lal Thanhawla chu a chenna inah a hmu a, Tripura Refugee Camp a awm Bru chungchung a sawipui a ni. Pu M. K. Singla chuan Tripura Refugee Camp-a awm te Mizoram a an rawn kir leh theih nan theihtawp chhuaha hmalak mek a nih thu sawiin tun thlenga Mizoram Sawrkar, abik takin Home Department hmalakna te chu tha leh fakawm a tih thu te a sawi bawk.
Chief Minister Pu Lal Thanhawla chuan Mizoram atanga Bru an chhuah dan hrilhin he thila in tih hmingchhiatna leh puhna hrang hrang Sawrkar leh pawl ten an lo tawh thu te, a sawi a. Pu Singla chuan heng thu te hi a hriat thu sawiin "Bru zinga an hruaitu thenkhat ten an mipui an hruaisual a, an mahni hmasialna avangin re-patriation (Hruaikir hna) pawh, an ti thuanawp thin a, mahse he thil hi hun bituka chinfel a nih theih nan ruahmanna siam mek a ni" a ti. Pu M.K. Singla-in Bru chungchang thil-a Nodal Officer ruat tura Chief Minister a ngenna chu tih vat a nih tur thu Chief Minister hian a lo hrilh bawk.
Pu M. K. Singla chuan Bru ten tunhnaia thil thar an ngiat chu awm a tih loh thu sawiin "he thil hian tawp a neih a ngai a, hun ruahman a nih hnuah chumi hun chhung ngeia re-patriation hi zawhfel a nih theih nan tan lak a ni ang" a ti a. Ruahmanna siam hnuah pawh an lo kir duh loh chuan engtin nge Home Ministry in a tih zel ang tih Chief Minister-in a zawhna chu chhangin Pu Singla chuan "chutiang chu a thleng a nih chuan Refugee Camp te chu khar leh tanpuina an hmuh thin ang angte pawh tihtawp a nih theih nan hmalak mai tha a tih thu a mimal ngaihdan a sawi bawk.
Read more »
Tweet Share Share Share Share Share

July 11, 2017
THALBE AWMZIA:
Thalble hi Saptawngin Endocrine Gland an ti a. Chu chu mihring Taksa chhunga thisen chawm thatu tuihnang bawm a ni.
Heng tuihnang bawmahte hian tuihnang (fluid) a awm loha a lo to chuan Taksa peng hrang hrangah natna chihrang hrang a thlen thin. Chuvangin, heng thalbete pawimawhna leg a lo rova mihring taksaa nghawng a neih dan tlem chhui fiah teh ang.

THALBE CHIHRANGTE:
Thalbe hi a tlangpuiin 8-ah then a ni a; an hming a inang loh ang bawkin mihring Taksa tana an hnathawh leh tangkaina pawh a inang lo. An zavaia hian an pawimawh em em vek A, a engamah hi paih theih a ni lova ngaihthah chi a ni hei lo. Chungte chu;

1. Thymus gland
2. Pineal gland
3. Pituitary gland
4. Thyroid/parathyroid gland
5. Adrenal gland
6. Pancreas gland
7. Ovaries, testes & Sex gland
8. Lymph gland

AN HNATHAWH:
1. THYMUS GLAND: How hian nausen pianghlim atanga kum 15 a nih thlenga natna laka venhim hna a thawh avangin THALBE zingah chuan a pawimawh ber pawla ngaih a ni.
He thalbe hi tuihnang tlachhama a ro chuan naupang khawsik reh hlei thei lo a thlen ngei ngei thin. Naupang chu a ngui a, a zawi ngawih ngawih thin. Engmah ei in chakna a nei lova a ngui nghiai thin.
2. PINEAL GLAND: Hei hian THALBE dang zawng hi thununin hna thawhsaktu ber a ni a. Mihring gaihtuahna leh chakna petu a ni nghal bawk. Potassium sodium balance siamtu ber a ni.
He thalbe hi a Riva tuihnang a tlakchham chuan thisensang a thlen vat a, inpawla a hun hmaa chitlakna a thlen ngei ngei bawk thin. A thawh tur ang a thawh that theih loh chuan KAL tha lo a thlen a; kutke vung a thlen bawk thin.

3. PITUITARY GLAND: Hei hian taksaah air & space a thunun a; gland dang zawngte siamthatu leh thununa tichaktu a ni bawk. Ngaihtuahna tichaktu leh mit khaw hmuh tifiahtu leh ri hriatna tichaktu a ni bawk.
He gland hian tuihnang a tlakchham chuan than theihlohna te, dawt hehna te, luhluna te, haihawtnate a thlen thei.

4. THYROID/PARATHYROID GLAND: He gland hian calcium & phosphorus a thlen a, Taksa mamawh thuam thar lehtu pawimawh tak a ni. Chuap leh lunga boruak tha leh thianghlim petu ber a ni.
He gland hian tuihnang a tlak chham chuan vitamin D tlakchhamna te, ha natna leh ruh mawih te, awrpuarnate leh chauh zawi ngawih ngawihnate leh mitvaihnate a thlen theih bakah Voice fatigue te a thlen thin.

5. ADRENAL GLAND: He gland hian thin te; mit tui (bile) te siamtu leh thununtu a ni a; thisen kal vel leh blood pressure te a thuam thain a thunun thin.
He gland hian tuihnang a tlakchhama a ro/hul chuan zahzumna, inthlahrunna, nguaina leh chauhna te, BP sang, luak chhuak, Luna Siamin thauchhia a siam thin.

6. PANCREAS GLAND: Hei hian taksaa thlum tam lutuk tur vengin chaw paitawihna (Digestive juice) thatak a thlen thin.
He gland hian tuihnang a tlakchham chuan zunthlum natna; BP hniam leh glucose tlakchhamna (Hypoglycaemia) a thlen thin.
7. OVARIES/TESTES & SEX GLAND: He gland hian Taksa lumna Siamin digestion of phosphorus a thlen thin.
He gland hian tuihnang a tlakchham chuan fa neih theihlohna te, thi neih that theihlohna te, serh hrawt chinnate a thlen thin. Tin, Taksa lumna a tibo thei a, uchuak taka sex hman duhna emaw sex hman chak miah lohna a thlen thei bawk.

8. LYMPH GLAND: He gland hian Taksa pan hnai leh pun turte vengin natna hrik kai/darh turte a veng thin. Taksaa tur tam turte vengin taksaa cell thi tawhte a thianfai thin.
He gland hian tuihnang a tlakchham chuan thisen thlumte leh lymphocytosis cancer-te a thlen thin.

ENDIK DAN (DIAGNOSIS):
Heng gland hrang hrangte hnathawh leh pawimawhnate leh hna an thawh that theihloha taksaa a nghawngte kimchang taka tarlan sen a ni lo.
Engpawhnise, henghovin tuihnang (fluid) an tlakchham avanga natna lo lang chhuak thinte finfiah/endik dan hi mihring kut phah leh kephah atangin awlsamtea hriat theih a ni. Stethoscope; MRI etc. ngai lovin natna hrang hrang a hriat theih a, hetianga endikna hi Acupressure tih a ni. Hei hian natna hriat/finfiahna chauh ni lovin DAMDAWI ngai lova awlsamtea natna tihnawm/tihdam leh chhawk zangkhai theihna a keng tel thei a ni.

ENDIK HUN LAI:
Heng gland-te tlakchham hriat hun lai leh siamthat hun lai hi naupang kum 5-15 inkar an nih hun lai hi hun tha bera ngaih a ni. Hetiang hun laia tha taka acupressure hmanga enkawl an nih chuan an Puitlin hnu thlengin natnain a bawhbuai ngai meuh tawh thin lo. Chuvangin, enkawl hun lai ngaih pawimawh hi invenna tha ber a ni. Tihdam aiin inven a tha zawk tih thufing hi vawn reng a pawimawh hle.
Puitlin hnuah pawh acupressure hmanga natna finfiah leh tihdam hi damdawi ei vak vak aiin taksain a tuar lo zawk a, dam a chiang zawk bawk. Mahse, a enkawl chhung hi a rei a, a rah a lan vut vut loh avangin mi rilru hmanhmawh tan chuan dawh theih leh nghal peih a har a chuvangin, mi tam takin tha ti hle thin mah se Course an la tluan peih thin lo. Natna azirin emaw a nasat tawh dan azirin Course khat rei zawng a inang lova a then chu ni 7 chhung te; ni 10 chhung te; ni 15 leh ni 40 thleng enkawl ngaite an awm thin.

A TAKA TAWN HRIAT:
Ka hnena lokal damlo pakhat chu uluk taka ka ka endik hnuah a thyroid gland-in tuihnang (fluid) a tlachham tih ka hmuhchhuahsak a; aw khur nasa hle a, a hawiherin vanlamah a dak thei lova; a Zai thei bawk lova, a chau ngawih ngawih a; a tawng sual nawk nawk thin. chuvangin, damdawi ei lovin ka hnenah ni 7 chhung lokal tura thurawn ka pek angin tuktin khel lovin ni 7 chhung a lokal a, acupressure hmanga uluk taka treatment ka lo Pek hnuah in lamah amaha a inenkawl zui dan tur ka hrilh zui a, thuawih taka thurawn a zawm avangin tun thlengin a dam that chhoh zel thu Telephone-in min rawn hrilh a alawmawm duh hle.

Hetiang bawk hian mipa naupang kum 6 mi pumna reng thin hmun hrang hranga an entir hnu pawha tha tak tak thei lo, a pain a rawn hruai a; uluk taka ka lo enfiah hnuah a solar plexus a dik lo tih hmuhchhuah a nih hnuah vawi 3 ka adjust sak a, tun thlengin damdawi chawh lovin a dam tha chho zel tih a pain min hrilh a, alawmawm duh kher mai.
DAMDAWI NGAI LOVIN:
A hun taka khing gland khi enkawl a nih chuan damdawi allopathy/herbal/ayurvedic/homeopathy etc. ngai lovin damlote enkawl dam theih a ni a, a nasat tawh hnuah chuan a haraa tawh a, loh theih lohva damdawi hman a ngai thin a ni. Tunlai thiamna hmanga damdawi siam chhuah awm hma daih Harrapan civilization etc lai pawhin damdawi hmang lovin kut phah leh kephah atangin hetianga tihdamna hi an lo hmang tangkai tawh thin a ni. Chuvangin, damdawi chak pui pui nghawng tha lo tak nei ei vak vak ngai lo turin mahni awmhmuna awm chung pawha awlsamtea inenkawl damna hi kan hmelhriat chhoh zel a pawimawh hle.

A TLANGKAWMNA
Natna a nasat hnua tihdam tuma damdawi chak pui pui hmanga inenkawl hi thingbuk a zung atanga chhat si lova a lera hlawi rem tum ang a ni a, engemawchen han dam thin mah se a hnuah a rawn thualleh a, a tawpah chuan thihna hial a thlen thin. Chuvangin, a hun laia inven hram hram hi uar chho zel ila tun ai hian kan lo hrisel zawk ngei ang.

by – Dr. C. Lalrampana
Read more »
Tweet Share Share Share Share Share

July 11, 2017
International news & politics:


July 11, 2017( MSR): US Defense Secy Gen. James "Mad Dog" Mattis chuan British Defense Secy Sir Michael Fellon chu North Korea chungchang a sawi pui a, eng thute nge an sawi puan a ni lo. US leh UK hi unau phir tang dun thin ang maiin, misual rawn chungchangah an tang dun zel a ni.
James Mattis chuan, "Tun hnaia North Korea-in ICBM missile a test vangin US nena indona a chhuah phah a rinawm lohva. President Trump leh Secy of State Tillerson ten an sawi chiang tawk a, a theih chin chinah sipai chakna hmang lova diplomacy hmanga chin fel tum a ni. Chutih rualin kan thian thate venghim turin military lam chu, a tula che thei turin ka inpeih at reng tawh a ni" a ti. US hian North Korea vaw thlu thut turin sipai lam chu a inpeih tir daih tawh a nih chu ! (MSR ah pawh an nuclear leh missite sites an target dan te post tawh a nih kha). Indona hian rah tha a chhuah thin loh vangin, hnam fing leh hnam ropuite chuan a tul fe loh chuan indo mai maite hi an duh thin lo a ni.
Hetih lai hian South Korea President thlan thar Moon Jae-in chuan, THAAD anti-missile battery an bun thar turin environment a khawih chhiat tur hisap a, South Korea rama North Korea missile laka invenna tur US-in bun a tum a duh loh chu, US lamin a ngaih pawimawh sak loh vangin, a lunghnur hle a ni. US chuan Terminal High Attitude Area Defense (THAAD) battery hi 6 lai bun tumin a buatsaih mek a, a bun fel sa 2 phei chu reiloteah enchhin a ni dawn niin Reuters chuan a sawi.
UN conference a Ram 122 palai kalkhawmin khawvel "Nuclear Free World" tura thutlukna an siamah khan Netherlands, Singapore, US, UK etc an tel ve lo. Tunah UN Security Council member nghet US, Russia, France, China, Britain te chuan Nuclear ralthuam hi an nei vek a; chumi bakah India, Pakistan, Israel leh North Korea hi an ni leh a; Israel hian nuclear bomb a neih leh neih loh hi a sawi duh ngai miah lova! A zep thei fu nge, a nei lo tak tak? A chheh vel Muslim hoten an beih loh nan nei angin a awm mai nge? Tumahin Israel hi an chiang thei lo! Mahse, khawvel chuan a ram tet ngaihtuahin, atom bomb- nuclear bomb 100-120 chu nei ngeiin an ring tlat~C.T.Lalrinawma~

MSR a mi Mizo Life ah kan suanlut a ni e.
Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.