Tweet Share Share Share Share Share

November 06, 2017
NGO ni á¹­hin, Peoples Right to Information and Development Imple­menting Society of Mizoram (PRISM) chu Inrinni khan political party-ah an inlet a, an hming pum pawh thlakin, Peoples Representation for Identity and Status of Mizoram (PRISM) tih an invuah.


PRISM thuchhuah chuan, political party anga an inthlak tak chung­changah, Mizorama po­litics kalphung siamá¹­ha tur leh kum 2018-a MLA inthlanpui awm turah mipui nghah leh beisei ang sorkar din tura inlet an nih thu a tarlang.

Kum 2006-a din PRISM thuchhuah tarlan danin, November 3, Zirtawpni khan Special General Assembly neiin, March 22, 2017-a an inkhawmpui lian vawi 13-nain, 'Mizorama poli­tics kalphung siam-

á¹­ha tur leh kum 2018 MLA inthlanpui aá¹­anga Mizorama sorkar á¹­ha a din theih nan PRISM-in hma la rawh se,' tia thu an dah bawhzuiin, an kal zel dan tur leh hmalak dan turte an thlir a; an hming thlakin, political party angin an indin ta a ni.

PRISM president Vanlalruata chuan, kum 12 chhunga an hmalakna leh thawhte sawiin, “Kan inkhawmpui hnuhnung ber thutlukna anga politics hawia hma kan lak hian kan ram leh hnam tan hlâwk zawkin rawng kan bâwl thei tih kan thawhrahin a tichiang a. Kan hmalaknate sorkarin a tihhlawhtlin duh loh vanga kan beidawn rum rum á¹­hin laiin, politics hawia hma kan lak chinah kan nawr lam apiang a hlawhtling ta zel a ni," a ti.

PRISM hi political party-a an inleh hnuah pawh hruaitu ngaite'n an hruai zui zel dawn a ni.

Read more »
Tweet Share Share Share Share Share

November 06, 2017
Ṭangrual pawl, Zoram Peo­ples' Movement (ZPM) chuan November 4, Inrinni khan Serchhip Bazarah Serchhip khawpuia veng hrang hranga local body dinna tura beihpui thlakna, Operation November khuhhawnna hun an hmang a; Aizawla ZPM hmunpuia hruaitute'n an hmanpui. Serchhip district-a Assembly bial pathumah candidate neih an tum thu an tarlang.

Zoram Peo­ples' Movement (ZPM)

Serchhipa Operation November hi Serchhipa ZPM chairman V Rozamliana’n kaihruaiin, Rev. JH Zahluna’n hunserh a hmang a; campaign khuh hawngtu ZPM Serchhip General Secretary K Sapdanga chuan, kum 2018-a Assembly inthlanpuiah ZPM-in Serchhip district-a bial pathum - Serchhip,Tuikum leh Hrangturzo bialahte ZPM-in hnehna chang ngei tura hmalak an tum thu a sawi a ni.

Thu sawitu PL Liandinga chuan, Mizoram hmun hrang hranga kawngpui chhiate chu a siamna tura sum hmuh tawh tam tak hmangin tun aia á¹­ha zawka siam theih a nih thu a sawi a, "Heti em ema Mizoram kawng chhiat chhan hi kumin fûr ruahtui tam vang a ni lo a, hun rei tak kan kawngte'n ngaihsak an hlawh loh vang zawk a ni," a ti. 

PL Liandinga chuan, sorkar ding tawhte'n Mizoram education system an sawpchhe nasa nia sawiin, "Zirtirtute kan tithangtláwm em em a, kan zirtirtute zingah mahni inngaisang tak pawh an váng em em tawh a ni,” a ti.

Zoram siamṭhat duhtute zawng zawng chu ZPM thláwp tura ngenin, ZPM chu mi beidawng kalkhawm an ni lo a, mi mangang, Zoram tluchhe mek tun din duhtute awmkhawmna a nih thu a sawi.

ZPM general headquarters-a Steering Committee chairman Lalliansawta chuan, ZPM chu an á¹­anrual thu a sawi a; ZPM hruaitute zinga mi B Lalchhanzova chuan, Mizorama politics khelh dan dik lo vangin mipuite chu an duh ang pawh sawi ngam loin, hlauhna bâwihah an táng mek nia sawiin, "Sorkar hnathawkte phei chu an á¹­i dêk a ni. Kum 2018-ah kalphung thar, mipui sorkar din turin i á¹­angrual u,” a ti.

MPC president Lalhmangaiha Sailo pawhin thu sawiin, “ZPM a sorkar chuan Mizoram budget pawtpénga flagship programme hming vuaha mahni party mi leh sa vulh a bo ang a, budget pumpui hi mipui hmasawnna atan rualkhai taka hman a ni tawh ang," a ti a; chu hun chu nghakhlel takin mipuiin an thlir mek thu a sawi.

ZNP general secretary RD Lal­rammawia chuan, tuna nawmsak duh luat vangin ram hruaitute'n ram an tichhe mek niin a sawi a, "Inthlan dawna sum leh therhlo chhe tê tê hmanga kan inleitir á¹­hinte hi vawiina kan nawmsak duh luat vang a ni a, hei hian sorkar á¹­ha lo a hring a, kan pi leh pute'n lu chhum bán chhum huama an lo humhalh ram hi a tlusawp mek a ni," a ti. - Vanglaini

Read more »
Tweet Share Share Share Share Share

November 06, 2017
Mizorama village council (V/C)-te lawmman atan Mizoram sorkarin kum khatah Rs. 2,69,28,000 a sêng á¹­hin a, hei hi kum 2014-a dân a siam thar anga pek a ni. Hetih lai hian, Local Administration Department (LAD) hotute chuan, khawtlang hnatlang phatna atan Rs. 25 aia tam phût theih a ni lo a, chu chu V/C á¹­henkhatin an bawhchhiat á¹­hin thu an sawi. 

LAD hotute sawi danin, Kum 2014-a V/C dan siamá¹­hat a nih hnuah Mizoram sorkarin V/C lawmman a tisang a; tun dinhmunah V/C president-in thla khatah Rs. 1,000 an la a, V/C vice president-in Rs. 800, secretary-in Rs. 600, member-in Rs. 600 leh tlangauin Rs. 450 an dawng á¹­hin.

V/C-te hlawh atan hian sorkarin thla khatah Rs. 22,44,000 a sêng a, kum khatah Rs. 2,69,28,000 a sêng ṭhin. Mizoramah V/C 536 a awm mek a ni.

VCP-te lawmman chu thla khatah Rs. 5,36,000 a ni a, vice president-te lawmman atan Rs. 4,28,800, secretary-te lawmman atan Rs. 3,21,600, member-te lawmman atan Rs. 7,16,400 leh tlangaute lawmman atan Rs. 2,41,200 sen á¹­hin. 

LAD hotute chuan, tun dinhmunah sorkarin V/C lawmman tihpun tumna a neih loh thu an sawi a; India hmarchhak state ṭhenkhatah phei chuan V/C-te lawmman chu sorkarin a pek an hriat loh thu te, Tripura-ah chuan sitting allowance Rs. 50 bâk an lak loh thu te, Assam sorkar pawhin an pek an hre lo a, revenue an lak khawm aṭangin lawmman an insiam mai thu an sawi. Sikkim sorkarah erawh chuan Rs. 5,000 an la niin an sawi bawk.

Mizoram sorkarin September 30, 2011-ah State Finance Commission (SFC) a din a, SFC hian kumin kum tìr lam aá¹­ang khan a vawi khatna atan V/C-te hnenah an khuaa mihring awm zat azirin sum a pe á¹­an. 

SFC hian V/C pakhat chhunga mi 500 aia tlem awmnaah Rs. 30,000, mi 501-1,000 inkar awmnaah Rs. 49,000 leh mi 1,000 aia tam awmnaah Rs. 87,000 an pe a; autonomous district council pathum huam chhung tel loin, Mizoramah V/C 536 a awm.

SFC aá¹­anga LAD-in sum an dawn, V/C-te hnena an pek chhuah chu V/C hrang hrangte'n an hmang á¹­ha thawkhata an hriat thu sawiin LAD hotute chuan, "A hmain Central Finance Commission aá¹­angin grant a lo kal á¹­hin a, V/C zingah hmang á¹­ha tawk lo an tam a, SFC hi chu khaw tana rohlu siamna tur a nih angin an hmang á¹­ha turah kan ngai," an ti. LAD chu V/C-te hnathawh enfiaha vil tura tih ni mah se, V/C zawng zawng hna thawh dan an vil vek sen loh thu an sawi.

LAD hotute chuan, V/C zingah hnatlang phatna leh khawlaia ran chhuak man kawng­ah dâna inziak ang loa kal a, anmahni duhthua kal mai á¹­hin an awm tih an sawi a; V/C hnatlang phatna chu Rs. 25 aia tam lo a nih thu leh hnatlang lote rûnna pawh Rs. 50 aia tam lo a nih thu sawiin, "Heng dân bak hi chu dân dang a awm lo," an ti.

Ran khuahkhirh chungchangah, V/C á¹­henkhatin dân bawhchhiaa thil an tih á¹­hin thu sawiin, ran chhuak khultirna atan Rs. 500 chawitir á¹­hin an awm chu a dik lo tih an sawi a, "Ran chhuak an man hian, ran chaw an lo pekna man leh an lo enkawlna man zawk a ni a, ran chhuak man vang hrim hrimin hrem theih tihna a ni lo," an ti. The Mizoram Gazette, 6.10.2016 no. (6)-ah ran mante chaw pekna man tur (feeding charges for seized animals) a chuang. 

The Mizoram Animal (Control and Taxation) Rules 2016 Section 8(2)-in a tarlan danin, mi ran chhuak mante châwmna man chu V/C fund-ah a lut tur a ni a; vawk, kêl, láwi, sakawr leh ran dangte chu a puitling chinah Rs. 100 leh a tê chinah Rs. 50 a neitute chawitir theih a ni. - Vanglaini
Read more »
Tweet Share Share Share Share Share

November 04, 2017
Tahrik ni 23-26 November, 2017 chhung khian Khawvel hmun hrang hranga Chin Thalai te intawhkhawmna hun, International Chin Christian Youth Conference (ICCYC) chu Lawngtlai AOC Veng Field-ah neih a ni dawn. He hunah hian Chief Minister Pu. Lal Thanhawla chu khuallian atan hman ani ang.


ICCY Conference hi a vawi khatna tur ani a, International Chin Literature Society huaihawta neih tur niin, Lairam Isua Krista Baptist Kohhran (LIKBK) Assembly in a thleng dawn a ni. Inbuatsaihna ngawrh taka kalpui mek zel a ni a, Conference neihna tur Pandal hi Lawngtlai AOC Veng Field-ah sak niin, mipui 2000 thutna leng tura buatsaih a ni. He Conference neihna turah hian India ram pawn atangin mikhual eng emaw zat rawn kal tura beisei anni.

Khawvel hmun hrang hranga Chin Thalaite intawhkhawmna tura buatsaih ani a, Laifa hmun hrang hranga awmte tan thil hlutak ani dawn a ni. He hunah hian Cultural show bakah zaithiam tak tak te an zai dawn a, tin, paper present ngaihnawm tak tak a awm dawn bawk a ni.
"Chin U le nau, vulei cung khuaza ramkip i um mi hna, hi caan ah hin rak ra cio dingin kan in sawm hna"

Written by: Reltea Tlangchhan‎
Read more »
Tweet Share Share Share Share Share

November 04, 2017 1
- Dr Thangchungnunga, MS (Ortho)


Kan sawi a kan sawi nawn leh fo a ngai dawn a ni.Ruh seh leh Saitika ngaih pawlh tlat kan la tam khawp mai. Ruhseh hi chu nasa vak lovin kan nei deuh vek a, a bikin ruhseh dik tak (Rheumatoid Arthritis) hi hriat a Å£ha. Hetiang nei hi chu an mal leh chawnahte a lo duk tlek a, ni 2 ni 3-ah a reh leh a, a insawn leh a. Hei hi ruhseh i nei tih test-na thisen test ai pawha chiang a ni. Ruhseh pumthlak Mizopain an ti a, hetiang i neih chuan zan mutte hian ana Å£hem Å£hum a, zing thawhah phei chuan apum khawng ti tih a ni ber. A bikin kut zung Å£ang hi a khawng Å£hum Å£hin. Han nuai nawk nawk chuan a reh ve leh mai a. An han tho a, lei rah a lo har leh a, pen hnih thum velah chuan a pangngai leh mai a, chhunah chuan mi angin hna an thawk ve thei a, a tlai telh telh a, ana telh telh a, mut hunah phei chuan na deuhin an mu Å£hin.

Kan ruhseh test-na, thisen an en ţhin hian negative (awmlo) an ti ţhin a. Mizote hi chu zawng thisen (Rhesus Monkey Blood) kai kan ni a, kan test-na hman hi sap ho leh vai (Eurosian)Rhesus Monkey Blood nei ve lo tana siam a ni a. Chuvangin ruhseh test-naah hian negative kan ni deuh zel ţhin. Chuvangin, i mal duk thlek thlek leh zing thawha i kutzungţang khawng deuh ţhum kha a test-na dik tak chu a ni mai.Mizote hi chu thisen test- naah hi chuan Sero Negative Type kan ni tih hriat tur. Pi Sonia Gandhi lokal pawh khan ama thisen milpui mihring a rawn hruaisa a nih kha.

Tin, ruseh hrim hrim, ruhseh tenau, ruhseh naute, (Juvenile rheumatoid arthritis) hi kan nei deuh vek a. A tam ber chu kum 2 an nih vel aÅ£angin a lang a. An sikul bangte hi “Ka khup/mal a na,” tiin an Å£ap Å£hin a. Zan mut tirh lamahte a chhuak duh a. Mahse a tukah dawt sawi ang hlauhin duhtawkin an tlankual leh thei si a ni.

Ruhseh hian damdawi chu a ngah mai a, sawi sen a ni lovang. Mahse a tizualtu deuh hi ei tlem ila. Heng - Bawngsa, Vawksa, Kelsa, Uisa leh Zawngţah, Bekang leh Thingthupui tih ho hi ei tlem i zir ang u. I fapa/fanuzan mut dawnah a ke na a tih chuan han nuai sak nawk nawk la, emaw nachhawkna(Paracetamol) phel lek han pe la a reh ve leh mai, a ei reng tur chu a ni lo. Ruhseh neih vanga rilru tih hah pawh a sawt lo. Hun pui inţhen apiangin - Fur leh Ţhal, Ţhal leh Thlasik inthlak laite hi a zual duh hun a ni ţhin. Ni asa val val a, i khup alo nat chuan a tukah ruah a sur dawn ti la a sual lem lovang. Ţhal leh Fur inţhen fel dawn lai hian hetiang hian an awm ţhin. Tin, chhunah pawh dawr emaw khawiah emaw ţhut reng anih chuan thawh leh a har em em a, a khawng hma ţhin.
Read more »
Tweet Share Share Share Share Share

November 04, 2017
Boxer Jonathana

Mi pakhat a awm a, a hming chu Jonathana a ni. ani chuan Boxing khelh a chak em em thin a, ni, nasa takin; țhangkhat lian lai mai a khelh theih hun hi a lo thlir tawh thin hial a ni.
Chhungkaw harsatna avangin chu kawng chu a tan zawh rual a nih loh avangin kawng a inhawn mial beiseiin Manipur, Senvawn a tangin Mizoram ah a chhungte a pem pui ta hial a, Vanbawng khua ah inbengbel in a tum ang kawng erawh chu a tan hawnin a la awm mai chuang lo fo mai.
Boxing a khelh chak em em reng na chu Pathian hnenah vawi tamtak a beidawnna avangin tihreh sak turin a dil ta hial a, mahse reh ahnehin a boxing khelh chakna chuan zual lam a pan zel mai si
Nikum profight khan tel chak ngawih ngawihin a awm a, mahse buhseng hun nen a inrual tak tlat a vangin loh theih lohin sawmfang hmun lamah a liam san ta a, a thinlung a dam theih ngang loh avangin Gionee profight 2017 a tel ngei tum hian kumin ah pawh thlawhhma a lak loh phah thak in he hun hi a nghak ta ngat ngat mai a ni.
A nupui fanaute pawhin a tir chuan an phalsak bik mai lo, mahse a theih ang leh tha ni a a rin ang a piangin a in sawi zawi a, an in hnuaiah buara chhungah fawvai thunin a hnek a, zingah te tlanin Pathianin kawng a hawnsak hun chu beidawng miah loin a nghak ta ngat ngat mai a ni.
Aizawla a vawi 1 rawn kalna ni tur te, Boxing ring a tak tak a hmuh vawi 1 na ni tur te, glove a vawi khat bunna ni tur te, Fight a hmachhawn vawi khatna ni tur ten Zawl khawpui a rawn thleng a, a dream chu ti hlawhtling turin hun rei lo te chauh in a daidang ta.
A zam lo a, a aia thiam leh chak tam tak an awm ngei a ring a, mahse chuchuan phurna a pe tlat thung si, a huaisen a, a tum a ruh a, a hmabak a tihtur awm chu mipa takin tlingtlak ngei a tum ruh hle.
Midangte ang in medal te, chawimawina te, ropuina te, hming thanna te a bei sei ve lo a, Boxing khel ngei a duh chhan a ma sawi ngei hi lo chhiar ve teh
'Zoram thalai te ruihhlo, Zu leh sa in min tibuai in min suat nasa em em a, chuvang chuan Ruih hlo ti ve ngai lo te hi kan huai a, kan chak a, kan tum a ruh a, kan tlo bik em em a ni tih hi heng mite hi hriattir ka duh a ni, min hnek hlum dawn pawh nise bansan ka tum chuang lo' a ti bur mai le.
Retheihna nasa takin a hrek beh avanga kum 55 a nih thleng rawka a chak ber Boxing khel thei lo a awm tawh hi, nang leh kei hian kan neih chuangliam tlem te te thawh khawmin kan tanpui thei a sin, mi pakhat in a duhthusam a thlen theih nan tlem te tal i luangchhuak ve thei dawn em le
Tanpuina leh Sponsorship pe duh a piang in 9856481816 ah call/msg/ whatsaap hmangin rawn in report theih reng a ni e
'Nang malsawmna ni ang che'
Read more »
Tweet Share Share Share Share Share

November 04, 2017
Mizo Carbon Product Ltd. in Transport subsidy a dil chungchangah thil diklo a awm ti a Pi Vanramchhuangi’n Hight Court a PIL a thehluh thu a kal zel laiin ni 17.10.2017 ah Mizoram Sawrkar Vigilance Department in CBI chhui tura remtihna Notification No.C.31016/55/2016-VIG dt 17.10.2017 a chhuah a. Hemi avang hian ni 31.10.2017 ah Gauhati High Court ( Aizawl Bench) in hemi thu a ngaihtuahin Sawrkar tana ding Pu Biswajit Deb, Advocate General, Mizoram chuan High Court hmaah State sawrkarin CBI chhui tura remtihna (consent) Notification a lo chhuah tawh thu a sawi a. Hemi avang hian Hight Court chuan WP (C)(PIL) No. 55 of 2017 with WP (C) No. 50 of 2017 chu tihtawp a ni tiin order a siam ta a ni.

High Court thutluknaah hian Mizoram sawrkarin CBI chhui remtihna a lo siam tawh zawk avangin High Court chuan PIL hi a titawp ta a ni.

- DIPR MZ

Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.